आटपाडीत तिसऱ्या आघाडीच्या स्थापनेसाठी निर्णायक बैठक –
शेतकरी, युवक आणि समाजघटकांचा निर्धार!
आटपाडी तालुक्यातील स्थानिक स्वराज्य संस्थांच्या आगामी निवडणुकीच्या पार्श्वभूमीवर नव्या राजकीय परिवर्तनाची नांदी ठरू शकणारी तिसऱ्या आघाडीच्या स्थापनेसाठी महत्त्वपूर्ण बैठक आज दुपारी ३:३० वाजता आटपाडी -दिघांची रोड ,श्रीराम कार्यालयासमोर ,ग्रँड लॉज येथे होणार आहे.तालुक्यातील शेतकरी नेते, राजकीय कार्यकर्ते, सामाजिक नेते, पत्रकार, साहित्यिक, विचारवंत आणि सुजाण नागरिक यांना या बैठकीत उपस्थित राहण्याचे आवाहन करण्यात आले आहे. बैठकीतील प्रमुख मुद्दे:शेतकरी आणि शेती प्रश्न:आटपाडी तालुका डाळिंब, द्राक्षे, ऊस, बाजरी अशा विविध पिकांचे उत्पादन करणारा आहे. परंतु पाणीटंचाई, बाजारभावातील अनिश्चितता, कर्जबाजारीपणा आणि शासनाच्या अर्धवट धोरणांमुळे शेतकरी अडचणीत आहेत. तिसरी आघाडी शेतकऱ्यांच्या या प्रश्नांना प्राधान्य देईल. युवकांचे भवितव्य आणि रोजगार:तालुक्यातील युवकांना शिक्षण, प्रशिक्षण व रोजगाराच्या संधी कमी आहेत. बेरोजगारीमुळे निराशा पसरली आहे. तिसरी आघाडी युवकांना नेतृत्व देण्यास, त्यांच्या समस्या सोडविण्यास कटिबद्ध असेल. सामाजिक एकता आणि नवा पर्याय:मराठा, धनगर, मुस्लिम, ओबीसी तसेच इतर समाजघटकांचे प्रश्न आणि त्यांच्या हक्कांसाठी एकत्रित संघर्ष आवश्यक आहे. धनगर आरक्षण, मराठा समाजाच्या मागण्या, सामाजिक न्याय यावर तिसरी आघाडी ठाम भूमिका घेईल. स्थानिक विकास आणि प्रशासन:तालुक्यातील पायाभूत सुविधा, रस्ते, पाणी योजना, शिक्षण संस्था यांचा विकास ठप्प झाला आहे. तिसरी आघाडी हाच विकासाचा खरा पर्याय ठरेल, असा विश्वास या बैठकीत निर्माण करणे हा उद्देश आहे. स्वच्छ, पारदर्शक आणि लोकाभिमुख नेतृत्व:नव्या पिढीच्या नेतृत्वाला संधी देत स्वच्छ व पारदर्शक कारभार घडवण्याचा निर्धार तिसरी आघाडी करणार आहे. सर्वांना आग्रहाचे निमंत्रण!तालुक्यातील सर्व संवेदनशील नागरिकांनी या बैठकीत सहभागी होऊन तिसऱ्या आघाडीला बळ द्यावे, असे आवाहन संयोजकांनी केले आहे. स्थळ: आटपाडी गेस्टहाऊस दिनांक: १६ जाने वारी २०२६ वेळ: दुपारी ३:३० वाजता संपर्क: 9665880099(तिसऱ्या आघाडीच्या स्थापनेसाठी तुमचा सहभाग हा परिवर्तनाच्या दिशेने महत्त्वपूर्ण पाऊल ठरेल!)
