सध्या अलीकडच्या काळामध्ये गॅसची टंचाई भासू लागली आहे ,बुकिंग करा तरच गॅस सिलेंडर मिळेल अन्यथा गॅस मिळणार नाही , असा पवित्रा गॅस एजन्सी व कामगार यांनी घेतला आहे .त्यामध्येचओटीपी सांगा तरच गॅस मिळेल अन्यथा गॅस मिळणार नाही.
अशा जाचक अटी असल्याने व अनेक वेळा गॅस बुकिंग होत नसल्याने कामगार व गॅस डेपो चालकांची चंगळ सुरू आहे.
झरे येथे मोठी बाजारपेठ आहे .या बाजारपेठेला १२ गावांचा समावेश येतो ,यामध्ये काही आटपाडी तालुक्यातील गावे तर काही माण ,खटाव तालुक्यातील गावे येत आहेत. या तिन्ही तालुक्याच्या मध्य सेंटर म्हणजेच झरे बाजारपेठ आहे.
याच बाजारपेठेमध्ये मोठी उलाढाल होत असते. आटपाडी तालुक्याचे पश्चिमेकडील शेवटचे टोक व आटपाडी,माण ,खटाव तालुक्याची सरहद्द या तिन्ही तालुक्याच्या सरहद्दी वर झरे गाव असल्याने या गावांमध्ये नागरिकांची सतत वर्दळ असते. यामुळे येथे व्यवसाय ही चांगल्या पद्धतीने चालतात.
अलीकडच्या काळामध्ये गॅस टंचाई असल्याने अनेक हॉटेल व्यवसायिक अडचणीत आहेत तसेच नागरिकांनाही गॅस सिलेंडर मिळत नाही. त्यामुळे गॅस एजन्सी मध्ये काम करणारे कामगार व गॅस एजन्सी चे डेपो चालणारे चालक यांची चांगली चंगळ झाली आहे. काहीजण गॅस बुकिंग करतात परंतु गॅस संपला नसल्याने तो गॅस घेत नाहीत.
तर अशा गोष्टी कामगाराला माहीत असतात त्यामुळे तो कामगार तो गॅस इतर ग्राहकाला दुप्पट किमतीने विकत असतो. व ज्याचे बुकिंग आहे त्याच्याकडून ओटीपी घेतो आणि तो गॅस विकला असे सिस्टीमला सबमिट करतो. तोच गॅस सिलेंडर इतर गरजू ग्राहकांना दुप्पट किमतीने विक्री राज रोसपणे सुरू आहे. याबाबत गॅस एजन्सी मालकालाही विचारपूस करण्यात आली त्यावेळेला त्यांच्या म्हणण्यातून आले की कामगार किती रुपयाला विकतात किंवा काय करतात याची आमच्यापर्यंत तक्रार आली नाही,
तक्रार आल्यास आम्ही योग्य ती कारवाई करू असे सांगण्यात आले. परंतु अनेक नागरिकांना सिलेंडरची गरज असते, त्यामुळे नागरिक जादा पैसे देऊन का होईना सिलेंडर घेतात. आणि सिलेंडर मिळाल्यानंतर तक्रार करण्याचे काही कारणच उरत नाही परंतु काही जागृत नागरिकांनी तक्रारी केल्या आहेत. परंतु त्यांच्या तक्रारीला कोणीही दाद दिली नाही. तर मागील चार दिवसांमध्ये एका गॅस एजन्सी ची गाडी झरे येथे जागृत कार्यकर्त्यांनी अडवली होती.
व त्यामध्ये बराच वेळ गॅस एजन्सीचे कामगार व गॅसचे ग्राहक यांच्यामध्ये वाचावाच सुरू होती. परंतु त्यावरती कोणताही तोडगा निघाला नाही उलट कामगारांनी ग्राहकांना वेटीस धरले व जादा रकमेने गॅस सिलेंडर विकले. याबाबत अनेक ग्रामस्थांनी ग्राहकांनी गॅस एजन्सी मालकाकडे तक्रारी केल्या परंतु मी पाहतो चौकशी करतो अशी उत्तरे देण्यात आली .परंतु कोणत्याही कामगाराला ठोस जाब विचारला नाही
.त्यामुळे एजन्सी मालक व कामगार “मिले सुर मेरा तुम्हारा ,असेच सुरू आहे ,की काय याची खासदार चर्चा झरे परिसरामध्ये सुरू आहे.चौकट.. कामगार ज्यादा पैशाने ग्राहकांना गॅस सिलेंडर विकतात हे मालकांना माहीत असूनही गॅस एजन्सी चे मालक याकडे कानडा करतात यामागचे नक्की कारण काय हा संशोधनाचा विषय आहे.
