निंबवडे येथे हुमणी किड नियंत्रणासाठी प्रकाश सापळा प्रात्यक्षिक संपन्न
माणगंगा न्युज
आटपाडी निंबवडे ता.आटपाडी येथे .तालुका कृषी अधिकारी मारुती कौलगे यांचे मार्गदर्शनाखाली खरीप हंगाम 2026 साठी कृषी विभागाच्यावतीने कृषि मोहिमांचे गावो..गावी प्रात्यक्षिके आयोजित करण्यात आली आहेत. यामध्ये निंबवडे -अनुसेवाडी येथील शेतकरी बिरुदेव मोटे यांचे प्रत्यक्षात एकात्मिक व्यवस्थापन मोहीम अंतर्गत प्रकाश सापळा प्रात्यक्षिक सहाय्यक कृषी अधिकारी रविंद्र घुटुकडे यांनी करून दाखवले.
सर्वसाधारणपणे ऊसाच्या क्षेत्रात हुमणी किड आढळून येते, इतरही क्षेत्रात हुमणी किडीचा प्रादुर्भाव आढळून येत असल्यास त्या ठिकाणी हुमणी कीड व्यवस्थापनाकरिता कडुनिंब, बाभूळ, बोर या पैकी एका झाडाखाली शेतकऱ्यांनी एकात्मिक पद्धतीचा प्रकाश सापळा अवलंब करणे आवश्यक आहे. यामुळे 50 टक्के किडीचा प्रादुर्भाव कमी होतो. असे सांगण्यात आले यावेळी शेतकरी मोठ्या प्रमाणामध्ये उपस्थित होते.फोटो..निंबवडे येथे हुमणी किड नियंत्रणासाठी प्रकाश सापळा प्रात्यक्षिक दाखविताना रवींद्र घूटुकडे व शेतकरी
