📰 माणगंगा न्यूज | गुन्हे वृत्त
आटपाडीत अवैध शस्त्रांचा मोठा साठा जप्त; रेकॉर्डवरील तिघे गुन्हेगार ताब्यात११ देशी पिस्तूल, २२ जिवंत काडतुसे व दोन स्पेअर मॅगझीन हस्तगत; तब्बल ७ लाख ६२ हजार २१० रुपयांचा मुद्देमाल जप्त
आटपाडी | प्रतिनिधीआटपाडी तालुक्यात अवैध अग्निशस्त्रांची विक्री व बाळगणाऱ्यांविरोधात स्थानिक गुन्हे अन्वेषण शाखा, सांगलीने मोठी कारवाई केली आहे. रेकॉर्डवरील तीन आरोपींना ताब्यात घेऊन त्यांच्याकडून ११ देशी बनावटीची पिस्तुले, २२ जिवंत काडतुसे, दोन स्पेअर मॅगझीन व अन्य साहित्य असा एकूण ७ लाख ६२ हजार २१० रुपयांचा मुद्देमाल जप्त करण्यात आला. गुरुवारी (दि. ६) नेलकरंजी फाटा, खरसुंडी आणि आटपाडी परिसरात ही कारवाई करण्यात आली.
या कारवाईत मयुरेश मनोहर आदाटे (वय २५), मारुती अशोक गुजले (वय २४) आणि वैभव ऊर्फ गब्बर संजय इंगळे (वय २१) यांना ताब्यात घेण्यात आले. या शस्त्रसाखळीतील मध्य प्रदेशातील सेंधवा येथील ‘पाजी’ नामक संशयिताचा शोध सुरू आहे.गोपनीय माहितीवरून पहिली कारवाईआटपाडी-भिवघाट मार्गावरील नेलकरंजी फाटा येथे मयुरेश आदाटे हा कमरेला पिस्तूल खोचून थांबल्याची माहिती स्थानिक गुन्हे अन्वेषण शाखेला मिळाली होती.
पथकाने त्याला ताब्यात घेतले असता त्याच्याकडून एक पिस्तूल व दोन जिवंत काडतुसे मिळाली.चौकशीत हे पिस्तूल मारुती गुजले याच्याकडून घेतल्याची माहिती मिळाल्यानंतर पोलिसांनी खरसुंडी परिसरात मारुतीला ताब्यात घेतले. त्याच्याकडून तीन पिस्तुले व सहा जिवंत काडतुसे जप्त करण्यात आली.एकामागून एक धागे; वैभवकडून सात पिस्तुलेमारुतीच्या चौकशीत वैभव ऊर्फ गब्बर इंगळे याचे नाव पुढे आले. त्यानंतर पोलिसांनी भिवघाट-आटपाडी मार्गावर शोध घेत वैभवला ताब्यात घेतले.
त्याच्याजवळील काळ्या सॅकमधून सात पिस्तुले, १४ जिवंत काडतुसे आणि दोन स्पेअर मॅगझीन जप्त करण्यात आली.मध्य प्रदेशातून शस्त्रपुरवठ्याचा संशयपोलिसांच्या चौकशीत ही शस्त्रे मध्य प्रदेशातील सेंधवा येथील ‘पाजी’ नामक व्यक्तीकडून विक्रीसाठी आणल्याची माहिती समोर आली आहे. वैभव हा संबंधित व्यक्तीशी व्हॉट्सअॅप व इन्स्टाग्रामच्या माध्यमातून संपर्क साधत असल्याचेही तपासात पुढे आले आहे.
₹७.६२ लाखांचा मुद्देमाल हस्तगतकारवाईत ₹७ लाख २० हजार किमतीची ११ देशी पिस्तुले, ₹२० हजार किमतीची दोन स्पेअर मॅगझीन, ₹२२ हजार किमतीची २२ जिवंत काडतुसे आणि अन्य साहित्य असा एकूण ₹७ लाख ६२ हजार २१० रुपयांचा मुद्देमाल जप्त करण्यात आला. आरोपींकडे शस्त्रे बाळगण्याचा वैध परवाना नसल्याचे पोलिसांनी म्हटले आहे.आटपाडी पोलीस ठाण्यात गुन्हास्थानिक गुन्हे अन्वेषण शाखेचे पोलीस हेडकॉन्स्टेबल हणमंत किसन लोहार यांच्या फिर्यादीवरून आटपाडी पोलीस ठाण्यात गुन्हा क्रमांक २७३/२०२६ दाखल करण्यात आला आहे.
भारतीय शस्त्र अधिनियम तसेच महाराष्ट्र पोलीस कायद्यातील संबंधित कलमांनुसार कारवाई करण्यात आली असून पुढील तपास आटपाडी पोलीस करीत आहेत.पोलीस अधीक्षक तुषार दोशी, अपर पोलीस अधीक्षक कल्पना बारवकर यांच्या मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक संजीव झाडे, सहायक पोलीस निरीक्षक प्रशांत निशाणदार, पोलीस उपनिरीक्षक कुमार पाटील व पथकाने ही कारवाई केली.
माणगंगा न्यूज ठळक चौकट:
११ देशी पिस्तुले | २२ जिवंत काडतुसे | २ स्पेअर मॅगझीन | ३ आरोपी ताब्यात | ₹७,६२,२१० चा मुद्देमाल जप्त | मध्य प्रदेशातील संशयिताचा शोध सुरूमाणगंगा साठी पोस्टर बातमी हवी आहे
