“सही पोषण देश रोशन” या उपक्रमांतर्गत गोमेवाडी एकात्मिक बाल विकास प्रकल्प अंतर्गत १ सप्टेंबर ते ३० सप्टेंबर पोषण माहिती म्हणून साजरा केला जातो.मा.पंतप्रधान मोदी नी कुपोषण मुक्ती साठी योग्य व पोषक आहार बालकांना दिला जावा व कुपोषणावर मात करता यावी यासाठी हे अभियान त्यांनी देशभर सुरू केले आहे.
२०१८ला पोषण मास अभियान सुरू केले. मुलांचे वजन उंचीच्या मानाने कमी या समस्येवर तोडगा काढण्याच्या हेतूने हे अभियान सुरू करण्यात आले आहे. प्रत्येक नागरिकाने सजगता दाखवून आपले योगदान देऊन आपली ग्रामपंचायत कुपोषण मुक्त होण्यासाठी प्रयत्न करू या. आवश्यक पोषण द्रव्ये, जसे प्रथिने, जीवनसत्वे यासारखा सर्वांगीण आहार गर्भवती महिलेला देणे गरजेचे आहे. गर्भवती महिलेची तिच्या गर्भारपणात काळजी घेतली गेली तरच होणारे अपत्य हे कुपोषण मुक्त होईल असे अश्विनी देशिंगे यांनी स्पष्ट केले. आहारात आपला सांस्कृतिक वारसा जतन करू या. व आरोग्य जपू या.
असे मत सौ. अंगणवाडी सेविका देशिंगे यांनी मार्गदर्शन पर मांडले.
तर या दृष्टीने शासनाच्या विविध योजनांचा पाठपुरावा करु या असे नमूद दूर्गा देशपांडे यांनी केले.
कुपोषण मुक्ती अभियानत माता पालक यांचा सक्रिय सहभाग घेऊन कुपोषण मुक्त ग्रामपंचायती साठी सर्वानी सहभागी व्हावे असे आवाहन ग्रामपंचायत सदस्या सौ. अरूणा माने यांनी व्यक्त केले.
या कार्यक्रमास ग्रामीण स्त्री शक्ती च्या पदाधिकारी, कार्यकर्त्या, अंगणवाडी सेविका, मदतनीस, व माता पालक उपस्थित होत्या. कार्यक्रमाचे आयोजन सौ. कल्याणी कुलकर्णी यांनी केले होते.
