‘मायोका’ राष्ट्रवादीने विद्यार्थ्यांना प्रोत्साहन देण्यासाठी आयोजित केला आहे की कलेक्शनसाठी?
- भाजप युवा मोर्चा प्रदेश अध्यक्ष विक्रांत पाटील यांचा खरमरीत सवाल
मुंबई / प्रतिनिधी :- युवकांना प्रोत्साहन देण्यासाठी सांस्कृतिक कार्यक्रम झाले पाहिजेत, पण राष्ट्रवादी विद्यार्थी काँग्रेसच्या वतीने आयोजित ‘मायोका’ हा कार्यक्रम खरंच विद्यार्थ्यांना प्रोत्साहन देण्यासाठी आयोजित केला आहे की कलेक्शनसाठी, असा खरमरीत सवाल भाजप युवा मोर्चा प्रदेश अध्यक्ष विक्रांत पाटील यांनी उपस्थित केला आहे.
राष्ट्रवादी विद्यार्थी काँग्रेसच्या वतीने राष्ट्रीय अध्यक्ष खा. शरद पवार यांच्या वाढदिवसानिमित्त ‘मायोका’ हा कार्यक्रम आयोजित करण्यात आला आहे. या कार्यक्रमात जास्तीत जास्त स्पर्धंकाना सहभागी करून घेण्याच्या उद्देशाने विभागीय उपाध्यक्षांना 600 तर जिल्हा अध्यक्ष 1000 आणि शहर अध्यक्ष यांना 1000 विद्यार्थांचे टार्गेट देण्यात आल्याचे समजते. या स्पर्धेसाठी 100 व 300 रूपये फि ठेवण्यात आली आहे. याबाबत माध्यमांशी बोलतांना भाजप युवा मोर्चा प्रदेश अध्यक्ष विक्रांत पाटील यांनी राष्ट्रवादी कॉंग्रेसवर जोरदार निशाना साधला.
पाटील पुढे म्हणाले की, राष्ट्रवादी नेते उपमुख्यमंत्री अजित पवार हे पत्रकारांपासून सर्वांनाच मास्क वापरण्याबाबत वेळोवेळी सल्ला देत असतात, अशात ऐवढा मोठा कार्यक्रम आयोजित करून विद्यार्थ्यांचा जीव धोक्यात कशासाठी घातला जात आहे. निर्बंध हे सामान्य माणसाठीच आहेत की काय? राष्ट्रवादी कॉंग्रेसची भ्रष्टाचाराची अनेक प्रकरणे आहेत, हा त्यातीलच एक तर नाही ना? असा रोखठोक सवालही विक्रांत पाटील यांनी उपस्थित केला आहे.
