- पत्रकारांना टोलमाफीसाठी पंतप्रधान, गृहमंत्री व केंद्रीय मंत्री नितिन गडकरी यांना निवेदन
पत्रकारांच्या न्याय हक्कांसाठी राष्ट्रीय उपाध्यक्ष फिरोज पिंजारी यांचा पुढाकार
प्रातांधिकारी अजित नैराळे यांना ‘एबीजेएफ’ पदाधिकाऱ्यांकडून निवेदन सादर
अखिल भारत जर्नालिस्ट फेडरेशनकडून पत्रकारांना टोलमाफी देण्याची मागणी
खोपोली (जि. रायगड) / संवाददाता :- पंतप्रधान नरेंद्र मोदी, केंद्रीय गृहमंत्री अमित शहा, केंद्रीय महामार्ग व रस्ते मंत्री नितिन गडकरी यांच्याकडे अखिल भारत जर्नालिस्ट फेडरेशन (ABJF) कडून पत्रकारांना टोलमाफी देण्यात यावी, अशी मागणी करण्यात आली. कर्जत (जि. रायगड) उपविभागीय अधिकारी अजित नैराळे यांच्या माध्यमातून मागण्यांचे निवेदन आज सादर करण्यात आले.
पत्रकार हा समाजासाठी जगत असतो. अन्याय, अत्याचाराविरोधात लढत असतानाच बातम्या गोळा करण्यासाठी मजल दरमजल करीत भटकत असतो. अशावेळी अनेकदा त्याला टोलचा भुर्दंडही सहन करावा लागतो. त्यामुळे पत्रकारांना टोलमाफी देण्यात यावी, अशी मागणी अखिल भारत जर्नालिस्ट फेडरेशनचे राष्ट्रीय उपाध्यक्ष तथा केपी न्यूज चैनल एडीटर इन चिफ फिरोज पिंजारी यांनी पंतप्रधान नरेंद्र मोदी, केंद्रीय गृहमंत्री अमित शहा, केंद्रीय महामार्ग व रस्ते मंत्री नितिन गडकरी यांच्याकडे केली आहे.
कर्जत उपविभागीय अधिकारी अजित नैराळे यांना देण्यात आलेल्या निवेदनात नमूद करण्यात आले आहे की, पत्रकार हा बातमीसाठी वणवण भटकंती करीत असतो, त्याला वारंवार एका ठिकाणाहून दुसऱ्या ठिकाणी प्रवास करावा लागतो. पत्रकाराची आमदनी जेमतेम असते, पण लोकशाहीचा चौथा स्तंभ असलेला हा पत्रकार आपले कर्तव्य पार पाडण्यासाठी स्व-खर्चाने बातमी व माहिती लोकांपर्यत पोहचविण्यासाठी धावपळ करीत असतो. महामार्गावर अपघाताच्या बातम्यासाठी तसेच विविध बातम्यांसाठी ‘फ्रंट वॉरीयर’ असलेल्या पत्रकाराला जावे लागते. समाजासाठी लढणाऱ्या, जगणाऱ्या अशा पत्रकारांना सहकार्य म्हणून टोल प्लाजावर सूट मिळावी, अशी मागणी करण्यात आली आहे. निवेदन देते प्रसंगी अखिल भारत जर्नालिस्ट फेडरेशन राष्ट्रीय उपाध्यक्ष तथा केपी न्यूज चैनल एडीटर इन चिफ फिरोज पिंजारी, अखिल भारत जर्नालिस्ट फेडरेशन महाराष्ट्र राज्य जनरल सेक्रेटरी खलिल सुर्वे, महाराष्ट्र राज्य मार्गदर्शक जेष्ठ पत्रकार पहिलवान हनुमंतराव ओव्हाळ, रायगड जिल्हा अध्यक्ष राजेंद्र जाधव, खालापूर वार्ता संपादक सुधीर माने आदी उपस्थित होते.
