Press Release
सलाम बॉम्बे फाऊंडेशनची १६वी बाल परिषद-
मुलांच्या आरोग्याबाबतच्या उपक्रमातून प्रतिबंधात्मक आरोग्याच्या सवयींबाबत समाजाच्या पातळीवर त्यांच्या हेल्थ मॉनिटर्सकडून घडवून आणलेल्या क्रांतीकारक बदलांवर प्रकाश टाकला जाणार
आदर्श युनायटेड नेशन्सच्या पद्धतीमध्ये तयार केलेल्या व्हर्चुअल उपक्रमात देशभरातील ४५००० पेक्षा अधिक विद्यार्थ्यांचा सहभाग
मुंबई, ४ फेब्रुवारी २०२२: सलाम बॉम्बे फाऊंडेशनच्या १६व्या बाल परिषदेचे- मुलांच्या आरोग्य उपक्रमाचे आयोजन व्हर्चुअल स्वरूपात ४ फेब्रुवारी रोजी म्हणजे जागतिक कर्करोग दिनी करण्यात आले होते. त्यात संस्थेच्या प्रतिबंधात्मक आरोग्य उपक्रमातील (पीएचपी) ३५० विद्यार्थ्यांचा सहभाग होता.
या उपक्रमाची निर्मिती मॉडेल युनायटेड नेशन्सनुसार करण्यात आली होती. त्याचे बोधवाक्य आरोग्यपूर्ण पिढीसाठी पुढाकार घेणे हे होते. त्यात डॉ. मंगला गोमरे, कार्यकारी आरोग्य अधिकारी, मुंबई महानगरपालिका (बृमुंमपा), डॉ. कृष्णा मेठेकर, भारताची अन्नसुरक्षा आणि मानक प्राधिकरणाचे उपसंचालक आणि श्री. आनंद खंडागळे, उपायुक्त, महिला आणि बालविकास, महाराष्ट्र शासन अशा दिग्गजांची उपस्थिती लाभली.
या उपक्रमात विद्यार्थी नेत्यांना म्हणजेच सलाम बॉम्बे फाऊंडेशनच्या बाल पंचायत या नावाच्या नेटवर्किंग नेतृत्व फोरममधील हेल्थ मॉनिटर्सना एक विशेष प्लॅटफॉर्म देण्यात आला. त्यातून त्यांना विशेषतः जागतिक साथीच्या पार्श्वभूमीवर आरोग्य, पोषण आणि मानसिक आरोग्यासारख्या महत्त्वाच्या समस्यांबाबत चर्चा करण्याची संधी देण्यात आली.
आरोग्य मॉनिटर्सना समभागधारकांसोबत विविध विषयांशी संबंधित सहभागी होण्यासाठी सलाम बॉम्बे फाऊंडेशनच्या विविध समुदाय पोहोच हस्तक्षेपाचा भाग म्हणून एक प्लॅटफॉर्म देण्यात आला. प्रतिबंधात्मक आरोग्य उपक्रमाने आपल्या विद्यार्थी लाभार्थ्यांपर्यंत पोहोचण्यासाठी आणि त्यांना प्रतिकारशक्ती वाढवणारे अन्नपदार्थ, मायक्रो ग्रीन्स आणि किचन गार्डनिंग यांचे महत्त्व ऑनलाइन सत्रांद्वारे शिकवण्यासाठी एक महत्त्वाची भूमिका बजावली आहे.
या उपक्रमाबाबत बोलताना सलाम बॉम्बे फाऊंडेशनच्या उपाध्यक्षा, प्रकल्प (प्रतिबंधात्मक आरोग्य आणि संशोधन) शेरिंग डी. भुतीया म्हणाल्या की, “हेल्थ असेंब्ली हा विद्यार्थी नेत्यांकडून आकाराला आलेला एक उपक्रम आहे. ते एक खास व्यासपीठ आहे, ज्यातून विद्यार्थी नेते आणि प्रशासकीय भागधारकांदरम्यान कल्पनांची देवाणघेवाण करता येईल आणि धोरण व समुदायाच्या पातळीवर बदलांना चालना मिळेल. प्रतिबंधात्मक आरोग्य उपक्रमांद्वारे आम्ही विद्यार्थ्यांना समाजात बदल घडवून आणण्यासाठी प्रोत्साहन देत आहोत. यामुळे त्यांना सरकारी अधिकारी, प्रसारमाध्यमे आणि समाजासोबत जवळून काम करता येईल. हे त्यांना उद्याचे एक उत्तम नागरिक बनवण्याच्या दिशेने टाकलेले पाऊल आहे.”
