यावर्षीही १५ जानेवारीला मकरसंक्रांती
दहा वर्षांत पुन्हा १५ जानेवारीला येण्याची सहावी वेळ
त-हाडी : सूर्य आराधना व स्नानदानाचा उत्सव म्हणून ओळख असलेली मकरसंक्रांती यावर्षी १५ जानेवारीला साजरा होणार आहे. या दिवशी विशेष पुण्यकाळ सकाळी ९:२४ वाजता सुरू होईल व दिवसभर राहील. सकाळी सूर्योदयानंतर अर्की होईल. वाहन, उपवाहनासह संक्रांतीच्या स्वरूपानुसार यावर्षी उत्सव विशेष शुभ आहे. गेल्या तीन वर्षांत मकरसंक्रांती सतत १५ जानेवारीला साजरी करण्यात आली.
सूर्याचा मकर राशीत प्रवेश होताना मकरसंक्रांती उत्सव साजरा करण्यात येतो. इंग्रजी कालदर्शिकेनुसार सन २००० पूर्वी १३ जानेवारीच्या मध्यरात्री सूर्याचा मकर राशीत प्रवेश व्हायचा व १४ जानेवारीला मकरसंक्रांती साजरी केली जायची, गेल्या काही वर्षांत मकरसंक्रांती १४ जानेवारीच्या मध्यरात्री येते व १५ जानेवारीला साजरी केली जाते. यावर्षीही संक्रांती १५ जानेवारीला सकाळी ९:२४ वाजता येईल व त्यापुढे उत्सवकाळ सुरू होईल. पुढच्या वर्षी मात्र १४ जानेवारीला मकरसंक्रांती साजरी होईल. त्यानंतर वेळोवेळी १४ जानेवारीला सक्रांती अर्की होईल व १५ जानेवारीला साजरी केली जाईल.
असे असेल संक्रांतीचे स्वरूप
१) वाहन अश्व
२) उपवाहन – सिंह
३) वस्त्र – कृष्ण वस्त्र
४) पानांचे पात्र
५) विप्र वर्ण
६) हळदीचे लेपन
७) दुर्वा आणि फुलांनी सुसज्जित
८) गुंजाचे अलंकार
९) निळ्या रंगाची कंचुकी
१०) उत्तरेला गमन
११) ईशानकडे दृष्टी
७० ते ८० वर्षांत यामुळे वाढतो एक दिवस
मकरसंक्रांती १४ जानेवारीच्या रात्री येईल व १५ जानेवारीला साजरी केली जाईल. गेल्या काही वर्षात संक्रांती १४ जानेवारीच्या मध्यरात्री येते व १५ जानेवारीला उत्सवकाळ साजरा होतो. पुढच्या काही वर्षातही मकरसंक्रांती १५ जानेवारीलाच साजरी केली जाईल. उल्लेखनीय म्हणजे दर ७० वर्षांनंतर संक्रांती पर्व एक दिवस समोर वाढतो, कारण निर्णय राशी सूर्याच्या समोर जातात. ज्याप्रमाणे दर तीन वर्षांनी अधिकमासामुळे एक महिना वाढतो, त्याप्रमाणे दर तीन वर्षात संक्रांती काळ एका तासाने वाढतो. यानुसार ७० ते ८० वर्षात एक दिवस वाढतो.
पुरोहित, राजेंद्र कुलकर्णी महाराज (त-हाडी)
यावेळी पौष महिन्याची मकरसंक्रांती
यावेळी पौष महिन्याची मकरसंक्रांती असेल. त्यामुळे हा उत्सव विशेष शुभफळदायी असेल, ज्याप्रमाणे संक्रांतीचे स्वरूप आहे, त्यानुसार जनतेच्या सुख- सुविधांमध्ये वाढ होईल, मंगल कार्य होतौल, चोर, ढोंगी, दुर्जनांना दंड मिळेल. गोसेवेबाबात जागरूकता वाढेल. धान्याचे उत्पादन चांगले होईल. आजार निवारणासाठी चांगले कार्य घडेल, महागाई नियंत्रणात येईल व अर्थव्यवस्थेत सुधारणा होईल. राजकीय क्षेत्रात काही परिवर्तनासह उन्नती होईल.
डॉ प्रा दिलवरसिंग गिरासे
शिक्षक आण्णासाहेब साहेबराव सोमा पाटील माध्यमिक विद्यालय उच्च सायन्स कॉलेज त-हाडी
