दक्षिण सोलापूर तालुक्यातील मंद्रुप गावचे सुपुत्र सिने अभिनेते बलराज माने. जय जय स्वामी समर्थ मालिकेमध्ये नरसप्पा च्या भुमिकेत.
बलराज माने यांचा जन्म मंद्रुप गावी झाला. काॅलेज मधे शिक्षण घेत असतानाच आपण फिल्म इंडस्ट्री मध्ये करिअर करायचे असे मनात ठरवले होते. लहान पणापासुन स्नेहसंमेलनामधे नाटकात भाग घेऊन मनोरंजन करत असत. मुखबधिर शाळेत शिक्षक म्हणून तीन वर्षे सेवा केली. पण शाळा नाॅनग्रांटेबल असल्यामुळे नोकरी सोडावी लागली. नंतर पुणे गाठले पण कोणाचीही मदत किंवा सपोर्ट मिळाला नाही. पुण्यात रमणबाग येथे सिने अभिनेते जगन्नाथ निवंगुणे सर यांची भेट झाली. सर्व हकिकत त्यांना सांगितली. सरांनी पाठीवर थाप दिली आणि त्यांच्या आशीर्वादाने लक्ष्य मालिकेत पहिला ब्रेक मिळाला. मग कधीच मागे वळून पाहिले नाही. एकापाठोपाठ एक हिंदी आणि मराठी एकुण 26 मालिकेत तसेच 4 हिंदी चित्रपट 10 मराठी चित्रपट 12 शाॅॅर्टफिल्म मधे काम केलेले आहे. विशेष म्हणजे.कलर्स मराठी या चॅनेल वरती रोज रात्री 8:00 वाजता लागणारी मालिका… जय जय स्वामी समर्थ मालिकेतील नरसप्पा या भूमिकेमुळे घराघरात पोहचले आणि एक नवी ओळख मिळाली.
