कांतिसूर्य बिरसा मुंडा यांच्या जयंतीनिमित्ताने विविध कार्यक्रमांचे आयोजन…
बोराडी ता.शिरपूर (वार्ताहर) बोराडी येथील ग्राम परिषदेच्या कार्यालयात १८ व्या शतकातील महान क्रांतिकारी व आदिवासी जननायक क्रांतिसूर्य धरती आबा,भगवान बिरसा मुंडा यांच्या जयंतीनिमित्ताने विविध कार्यक्रमांचे आयोजन करण्यात आले होते. हया प्रसंगी क्रांतिसूर्य बिरसा मुंडा यांच्या प्रतिमेचे पूजन सरपंच सुरेखाबाई पावरा यांच्या हस्ते करण्यात आले.
बोराडी ग्राम परिषद,एकात्मिक महिला व बालविकास प्रकल्प दोन अंगणवाडी सेविका व जिल्हा परिषद मराठी शाळेतील शिक्षक यांच्या संयुक्त विद्यमाने आदिवासी समाजाच्या उत्थानासाठी अविरत संघर्ष करणारे महान जननायक बिरसा मुंडा यांच्या जयंती निमित्ताने क्रांतिकारी बिरसा मुंडा यांचे प्रतिमेचे पूजन सरपंच सुरेखाबाई पावरा व उपस्थित मान्यवरांच्या हस्ते करण्यात आले. या कार्यक्रमाच्या अध्यक्षस्थानी उपसरपंच राहुल रंधे होते.
हया प्रसंगी सरपंच सुरेखाबाई पावरा, उपसरपंच राहुल रंधे, ग्रामविकास अधिकारी डी.आर.पेंढारकर, सदस्य संजय पाटील,चंद्रसिग पवार, सुकदेव भिल,जिजाबराव पाटील, अर्जुन भिल,डोगरसिंग पावरा, विजय सत्तेसा, अंगणवाडी सेविका जयश्री देवरे,सुनिता सगरे,प्रतिभा पाटील, अर्पणा बडगुजर, प्रतिभा के पाटील, लक्ष्मी भिल,प्रतिभा कोळी,जि.प.केंद्राचे केंद्रप्रमुख जितेंद्र जोशी, विनया पाटील, जागृती निकम, इंदिरा महाले,वर्षा बोरसे,बबिता बोरा, कविता बडगुजर,ज्ञानेश्वर निकम,यशवंत पाटील, दिनेश श्रीराव,अभय पाटील, रवींद्र खोडे, आदी उपस्थित होते.
या कार्यक्रमाचे सूत्रसंचालन सेविका सुनिता सगरे यांनी केले. तर आभार प्रदर्शन सेविका जयश्री देवरे यांनी मानले. कार्यक्रम यशस्वी होण्यासाठी ग्रा परिषदेचे कर्मचारी उमेश पावरा, राकेश पावरा,विजय पावरा, दिपक भालेराव यांनी श्रम घेतले.