धोकादायक विजेचा पोल हटवण्यासाठी महातपुरीवाशी यांचे सखाराम बोबडे पडेगावकर यांना साकडे
प्रतिनिधी
भर वस्तीत रहदारीच्या ठिकाणी असलेला पण गंजल्याने धोकादायक बनलेला विजेचा पोल हटवण्यासाठी शनिवारी महातपुरीवासीयांनी आम आदमी पार्टीचे जिल्हा उपाध्यक्ष सखाराम बोबडे पडेगावकर यांना घटनास्थळी बोलावून घेत पोल हटवण्यासाठी साकडे घातले.
गंगाखेड तालुक्यातील महातपुरी येथील धनगर गल्लीतील पोल गंजल्याने तो धोकादायक बनला आहे. वारा पावसात कधीही तो पोल पडून होणारा संभाव्य अपघात टाळण्यासाठी ग्रामशिक्षण समितीचे अध्यक्ष जानकीराम वालवटे यांनी पुढाकार घेऊन ग्रामस्थ व युवकांना एकत्र केले. सर्वांनी एकत्रित निर्णय घेऊन परभणी लोकसभा मतदारसंघाचे 2024 चे उमेदवार, आम आदमी पार्टीचे जिल्हा उपाध्यक्ष सखाराम बोबडे पडे गावकर यांना शनिवारी महातपुरी येथे सकाळी आठ वाजता बोलावून घेतले.
त्यांच्या समोर आपल्या व्यथा मांडल्या. गावातील धनगर गल्ली व चावडी जवळील असे दोन पोल धोकादायक असून कधीही ते पडून संभाव्य अपघात होऊ शकतो.
हा अपघात टाळण्यासाठी पोल बदलणे आवश्यक आहे. धोकादायक पोल हटउन त्यां ठिकाणी नवीन पोल बसवण्यासाठी आपण महावितरण कंपनी कडे पाठपुरावा करावा असे साकडे महातपुरी वासीयांनी शनिवारी घातले. यावेळी सखाराम बोबडे पडेगावकर ,राजेश कांबळे , जोशी समाज संघटनेचे रामेश्वर भोळे आदींचा ग्रामस्थांनी सत्कारही केला.
महावितरणच्या अधिकार्याकडे पाठपुरावा करून येत्या आठ दिवसात हा धोकादायक पोल हतवण्यात येईल अशी ग्वाही सखाराम बोबडे पडेगावकर यांनी ग्रामस्थांना दिली..त्यानंतर या धोकादायक पोल ची पाहणी करण्यात आली. यावेळी सामाजिक कार्यकर्ते अमजद शेख, भाजपा अल्पसंख्यांक मोर्चाचे तालुकाध्यक्ष शेख मुस्तफा, उपसरपंच उत्तमराव मुलगीर, ग्रामपंचायत सदस्य दीनानाथ घीसडे, गोविंद खटींग, सचिन खटींग, रामचंद्र खटींग, मुक्तिराम खटींग, गणपतराव खटींग, संजय भंडारे, कारभारी खटींग,पांडुरंग खटींग,गणेश खटींग, रामभाऊ खटींग ,केशवराव आळशे. सचिन श्रीपतराव खटींग , जानकीराम वाळवंटे सह ग्रामस्थ उपस्थित होते.
