शिरपूर तालुक्यात 1 डिसेंबर पासून ई चावडी प्रकल्पाला सुरूवात
तऱ्हाडी:- महाराष्ट्र शासनाच्या ई चावडी हा महत्वकांक्षी प्रकल्प असून त्यानुसार ई हक्क प्रणाली अंतर्गत जिल्ह्यात शिरपूर तालुका ई हक्क प्रणाली वापरासाठी पथदर्शी तालुका म्हणून निवड केलेली आहे. त्याचाच एक भाग म्हणून १डिसेंबर२०२२ पासून तलाठी स्तरावर नागरीकाकडून / शेतकन्याकडून येणारे अर्ज
- वारस नोंद अर्ज
- मयताचे नाव कमी करणे
- अज्ञान पालन कर्ताचे नाव कमी करणे
- एकूम्याकर्ता नाव कमी करणे
- विश्वास्थांचे नाव कमी करणे
- संगणकीकृत 7/12 मधील चुक दुरुस्ती करणेसाठी
- ई करार नोंदी
- बँक बोजा दाखल /कमी करणे
अशा विविध प्रकारचे अर्ज हे https://pdeigr.maharashtra.gov.in/frmLogin.aspx या वेबसाईटमध्ये लॉगीन करून सादर करावा. त्यानंतर तलाठी स्तरावरून प्रस्तुत अर्जाबाबत पुढील आवश्यक ती कार्यवाही तात्काळ करता येणार आहे. त्याबाबत तालुकास्तरावरून सर्व तलाठी, मंडळ अधिकारी, सर्व सेतु सुविधा केंद्र, बैंक, सोसायटी यांना याबाबत प्रशिक्षण देणेत आलेले आहे. तरी सर्व शेतकरी / नागरिक यांनी दिनांक १डिसेंबर२०२२ पासून तलाठी स्तरावरील सर्व अर्ज हे ऑनलाईन पध्दतीने दाखल करणेबाबत म. तहसिलदार आबा महाजन यांनी आवाहन केले आहे.
