सिने पत्रकार रतन बी. राऊत यांना बॉलीवूड लीजेंड अवार्ड
औरंगाबाद- (प्रतिनिधी) डॉ. कृष्णा चौहान फाउंडेशन मुंबई (KCF) यांच्या वतीने दिला जाणारा प्रतिष्ठेचा बॉलीवूड लीजेंड अवार्ड सिने पत्रकार रतन बी. राऊत यांना नुकताच जाहीर झाला आहे.
येत्या दहा डिसेंबर रोजी मुंबईच्या अंधेरी वेस्ट मधील मेअर हॉल मध्ये आयोजित या शानदार पुरस्कार सोहळ्यात सिनेसृष्टीतील नामवंत मान्यवर व सिने कलाकारांच्या प्रमुख उपस्थितीत हा पुरस्कार रतन बी. राऊत यांना प्रदान करण्यात येणार आहे. स्मृती चिन्ह आणि प्रमाणपत्र असे या पुरस्काराचे स्वरूप आहे. हा पुरस्कार के सी एफ फाउंडेशनचे संस्थापक फिल्म डायरेक्टर डॉ. कृष्णा चौहाण यांच्या फाउंडेशन तर्फे भारतीय चित्रपट आणि त्यांच्या वाढीसाठी महत्त्वपूर्ण योगदान देणाऱ्या व सिने सृष्टीमध्ये उल्लेखनीय काम करणाऱ्या व्यक्तीला दिला जातो.
रतन बी राऊत हे गेल्या अनेक वर्षापासून चित्रपट सृष्टी वर्तुळात सिने पत्रकार म्हणून कार्यरत आहे त्यांच्या कार्याची दखल घेऊन केसिएफ फाउंडेशनने त्यांची यावर्षीच्या बॉलीवूड लीजेंड अवार्ड या प्रतिष्ठेच्या पुरस्कारासाठी निवड केली आहे, या निवडीबद्दल त्यांचे सिने वर्तुळात अभिनंदन होत आहे.
