(ग्रामपंचायत निवडणूक)
ग्रामपंचायत निवडणुक उमेदवारांसाठी आजची रात्र ठरणार ‘वै-याची’
(मतदानासाठी ऊमेदवारांची एकमेकांवर कुरघोडी वाढली)
त-हाडी – ग्रामपंचायत निवडणुकीच्या प्रचार तोफा १६ डिसेंबर च्या रात्री थंडावणार आहेत.परंतु आता पर्यंत च्या प्रचारातील कष्टाला उमेदवार परस्पर मतदानाला विविध प्रकारे सुरूंग लावण्याला प्राधान्य देण्याची शक्यता राजकीय पुढा-या मधुन चर्चा होतांना दिसत आहे.१८ डिसेंबर ला होऊ घातलेल्या ग्रामपंचायत निवडणुकी साठी १७ डिसेंबर ची रात्र ‘वै-याची’ ठरणार आहे.
तालुक्यातील एकुण १७ ग्रामपंचायतीच्या निवडणूका पैकी ६० ग्रामपंचायत सदस्य बिनविरोध निवड झाली आहे, व बोराडी ग्रामपंचायत बिनविरोध झाली ग्रामपंचायतीची अविरोध निवड झाल्याने आता १४१ सदस्य रिंगणात आहेत ग्रामपंचायत मध्ये प्रचाराचे मोठ्या प्रमाणात घमासान दिसत आहे.मागील काही दिवसापासून मतदारांच्या मणधरणी साठी नानावीध प्रलोभणांच्या खैरातीची चर्चा आहे.अनेक गावातील मतदार मुंबई, पुणे,नाशिक,औरंगाबाद तर काही.मतदारांना थेट पश्चिम महाराष्ट्रातील उसतोडी वरून मतदानासाठी परत आणन्यासाठी विविध प्रकारे व्यवस्था केल्याचे दिसत आहे.
अनेक गावातील भावकी,भावकीतील काट्याची टक्कर अनुभवायला मिळणार आहे.बहुतांश ठिकाणच्या सरपंच,सदस्यांची तुल्यबळ लढती आसल्याने फार कमी मतदानाचे अंतर उमेदवारांच्या जय-पराजया मध्ये दिसणार आहे.ज्या प्रमाणात उमेदवार भतदानासाठी विविध आश्वासने देत आहेत.त्याच पट्टीत आता मतदार राजा सुध्दा भाऊ आम्ही फक्त तुमचेच आसल्याचे दाखवत आहे.एकुण निवडणूक यंत्रणा सज्ज झालेली आसुन बहुतांश मतदान केंद्रावर सुविधांचा आढावा निवडणूक विभाग,महसुल विभागाने घेत.मतदान केंद्र सज्ज झालेले दिसत आहेत.आता मतदान केंद्रांना मतदान मशिनची प्रतिक्षा आहे.तर दुसरीकडे उमेदवारांमध्ये मतदानाची जुळवा-जुळव करण्यासाठी आजची “रात्र वै-याची” ठरणार आहे.
