कळमसरे विद्यालयाच्या राज्यस्तर व विभाग स्तरावर निवड झालेल्या खेळाडू सत्कार
त-हाडी दि.- 19- येथील उद्यान पंडित बापूसाहेब ग.द. माळी गुरुजी शिक्षण प्रसारक संस्थेच्या आदर्श माध्यमिक विद्यालयात, नुकत्याच नाशिक येथे झालेल्या विभागीय मैदानी स्पर्धेत हातोडा फेक या प्रकारात राज्यस्तर व विभाग स्तरावर निवड झालेल्या सत्कार समारंभ विद्यालयात आयोजित करण्यात आला होता
कार्यक्रमाच्या अध्यक्षस्थानी संस्थेचे संस्थापक अध्यक्ष .मोहन द. सोनवणे हे होते, तर प्रमुख अतिथी म्हणून मुख्याध्यापक वाय .व्ही .पाटील, सहशिक्षिका व मांडळ येथील वि.का. सोसायटीच्या सदस्या, वैशाली सोनवणे, विद्यार्थिनीचे पालक सतीश कोळी व आई कोळी शिवाजी जाधव, वाय. पी.माळी एन. एस. साळुंखे व्ही. ए . मोरे ,एम. एस .वाडीले, मिलिंद सोनगडे ,रमेश माळी ,तानाजी रोकडे, उपस्थित होते. या यावेळी स्वातीचे पालक यांचा संस्था अध्यक्ष यांच्या हस्ते व मुख्याध्यापकांच्या हस्ते सन्मान करण्यात आला.
विद्यालयाच्या सहशिक्षिका सौ .वैशाली गौरव सोनवणे यांच्या हस्ते राज्यस्तरावर निवड झालेल्या स्वाती सतीश कोळीचा शाल व पुष्पगुच्छ देऊन सन्मान करण्यात आला. तसेच सन 22- 23 च्या नाशिक येथे झालेल्या विभागीय मैदानी स्पर्धेमध्ये सहभागी विद्यालयाच्या खेळाडू मयुरी प्रवीण अहिरे ,मनीषा शांतीलाल कोळी ,आरती कोतवाल पावरा, जागृती संतोष कलाल, वैष्णवी मुकेश बुवा, तेजस्विनी अमरीशपुरी बुवा , सागर तेरसिंग पावरा, पियुष राजेंद्र मराठे ,या विद्यार्थ्यांचेही संस्था अध्यक्ष मुख्याध्यापक व प्रमुख अतिथी यांच्या हस्ते गुलाब पुष्प देऊन सन्मान करण्यात आला. खेळाडूंना मार्गदर्शन करणारे क्रीडा शिक्षक अशोक महाजन यांचाही संस्था अध्यक्ष यांच्या हस्ते सत्कार करण्यात आला. ग्रामीण भागातून व एका लहानशा विद्यालयातून एवढ्या मोठ्या प्रमाणावर विभाग स्तरावर विविध खेळ प्रकारांमध्ये विद्यालयाच्या खेळाडूंनी प्रतिनिधित्व केल्याबद्दल संस्थाध्यक्ष यांनी समाधान व्यक्त केले. यावेळी मान्यवरांची मनोगते व्यक्त करताना स्वातीला व खेळाडूंना पुढील स्पर्धांसाठी शुभेच्छा दिल्या. कार्यक्रमाचे आयोजन सांस्कृतिक विभाग प्रमुख .ज्योती निकवाडे, यांनी केले. कार्यक्रमाचे सोनवणे यांनी तर आभार प्रदर्शन श्री .अशोक महाजन यांनी केले. कार्यक्रमास विद्यालयातील सर्व शिक्षक शिक्षकेतर कर्मचारी बंधू-भगिनी उपस्थित होते.
