मेथीचे लाडू यंदा महागणार; गाेडंबीचे भाव सहाशेवरून साडेबाराशे रुपये किलाेवर

मेथीचे लाडू यंदा महागणार; गाेडंबीचे भाव सहाशेवरून साडेबाराशे रुपये किलाेवर

त-हाडी प्रतिनिधी : हिवाळा आला की महिला वर्गाला कुटुंबीयांच्या शरीर संवर्धनासाठी पाेषक ठरणाऱ्या मेथीचे लाडू बनवण्याचे वेध लागतात. गेल्या वर्षाच्या तुलनेत यंदा काजू, बदाम, पिस्ता हे ड्रायफ्रूटचे दर तेच असले तरी गाेडंबी, अंजीर, खारीक व खाेबरे या प्रमुख घटकांचे दर दीडपट ते दुप्पट वाढले आहेत. त्यामुळे मेथीचे लाडू बनवताना गृहिणींचे बजेट वाढणार आहे.

पाैष्टिक लाडू म्हणून मेथीचे लाडू घराेघरी बनवले जातात. त्यात काजू, बदाम, पिस्ता, अंजीर, गाेडंबी, खारीक, खाेबरे, गूळ, खसखस, मेथी या घटकांचा समावेश असताे. काही जण ते तेलात तर काही गावरानी तुपात बनवतात. घरातील प्रत्येक सदस्याला दरराेज एक याप्रमाणे लाडू बनवण्याकडे महिलांचा आेघ असताे. यंदा किमान एक ते दीड हजार रुपयांची वाढ प्रत्येक कुटुंबाच्या लाडूच्या बजेटमध्ये हाेण्याचा अंदाज आहे. जानेवारीच्या दुसऱ्या आठवड्यापर्यंत हे वाढलेले दर चढते राहण्याची शक्यता व्यावसायिकांकडून वर्तवली जाते आहे. त्यामुळे यंदा मेथीचे लाडू ग्राहकांचा खिसा रिकामा करतील.

लाडूंमधील या प्रमुख घटकांचे दर वाढले
गेल्या वर्षी काजूचे दर ६०० ते ८००, बदामचे हजार ते बाराशे, पिस्त्याचे दर बाराशे ते पंधराशेच्या घरात प्रतिकिलाे हाेते. गूळ प्रतिकिलाे ६० ते ७० रुपये हाेता. या सर्वांच्या किमतीत कुठलीही वाढ न झाल्याने तेच आहेत. खाेबऱ्याचे दर गेल्या वर्षी २५० रुपये किला हाेते. यंदा ते ५० रुपयांनी घटून २०० रुपये झाले. मेथीचे दर दहा रुपयांनी घसरून ८० रुपये प्रतिकिलाे झाले आहेत. अर्थात, खाेबरे व मेथीचे दर घसरले असले तरी इतर घटकांत मात्र वाढ झाली आहे.

गाेडंबीचे दर गेल्या वर्षी ६०० ते ८०० रुपय किलाे हाेते. त्यात आता दुपटीने वाढ हाेऊन १२०० ते १४०० रुपयांवर पाेहाेचले. अंजीर ६०० ते ७०० वरून एक हजार ते साडेबाराशे रुपयांवर गेले आहे. खसखसच्या दरात ५०० रुपयांची वाढ झाली असून ते २५०० ते ३००० रुपये किलाेवर पाेहाेचले आहेत.

लाडू बनवण्यासाठी माेठ्या प्रमाणावर वापरल्या जाणाऱ्या खाेबऱ्याचे दर २०० रुपयांवरून ३०० ते ५०० पर्यंत गेले आहेत. जसजशी थंडी वाढेल तसतसे भाव वाढण्याचाही तर्क लावला जाताे आहे.

प्रतिक्रिया