नेकनूर बाजारात फिरून वृद्धाश्रम ला भाजीपाला व फळे दिली
बीड ;
आपला परिवार वृध्द आश्रम कळसंबर यासाठी नेकनूर ता. जि. बीड आठवडी बाजारात फळं मागणी केली. फळ विक्रेत्यांनी मोठ्या आनंदाने आणि उधार अंतकरणाने वृध्द मायबाप, आजी आजोबासाठी केळी, चिक्कू, संत्री, सफरचंद, द्राक्षे आदि फळ दिले. यासाठी पुढाकार हिंद संस्थेचे संजय शिंदे यांनी घेतला. यावेळी वृध्द आश्रमाचे वैजिनाथ खोडावे व सहकारी होते. नेकनूर येथील आठवडी बाजारातून भाजीपाला व फळ आठवडाभर पुरतील अशी कायम व्यवस्था निर्माण झालेली आहे. आता यापुढील कार्यक्रम असेल वर्षभर अन्नधान्य पुरेल एवढी व्यवस्था करून देणार असल्याचे शिंदे यांनी सांगितले.
