घरात वडिलांचा मृतदेह आणि दहावीचा पेपर…पेपर संपल्यावर वडीलावर अंत्यसंस्कार ……….
त-हाडी
अशा द्विधा संकट काळात नातेवाईक व ग्रामस्थांनी आणि शिक्षकांनी 16 वर्षीय मुलाला धीर दिल्याने घरात वडिलांचा मृतदेह घरात ठेऊन मुलगा परीक्षा केंद्रावर जाऊन परीक्षा दिल्यानंतर वडीलांवर अंत्यसंस्कार करण्यात आल्याची हृदयद्रावक घटना तालुक्यातील विखरण येथ 6 मार्च रोजी घडली.
सध्या तालुक्यात 10 व 12 वीच्या बोर्डाच्या परीक्षा सुरू आहेत.
दिनांक 6 मार्च रोजी इंग्रजीचा होता.तालुक्यातील विखरण येथील हर्षल भाऊसाहेब पवार याचा गावातील साने गुरुजी माध्यमिक विद्यालयात पेपर होता त्यासाठी हर्षलने अभ्यास केला मात्र 6 मार्च रोजी पहाटेच वडील भाऊसाहेब झुलाल पवार वय 50 यांचे निधन झाले.त्यामुळे सगळीकडे हळहळ व्यक्त केली जात असतांना हर्षलचे शैक्षणिक नुकसान होऊन नये यासाठी विखरण येथील ग्रामस्थ आणि साने गुरुजी विद्यालयातील कर्मचारी यांनी प्रयत्न करीत अगोदर दहावीचा पेपर झाल्यावरच अंत्यसंस्कार करण्याचा निर्णय घेण्यात आला.त्यानुसार हर्षल याने मोठ्या धीराने विखरण गावातील साने गुरुजी तांत्रिक माध्यमिक विद्यालयात परीक्षेसाठी पाठवण्यात आले.हर्षलला पेपर चालू असताना विद्यालयचे आजी माजी मुख्याध्यापक, पर्यवेक्षिका तथ परीक्षा केंद्राच्या केंद्र संचालिका उपकेंद्र संचालक विद्यालयातील सर्व शिक्षक- शिक्षकेतर कर्मचारी बंधू-भगिनी यांनी धीर दिला.पेपर पूर्ण झाल्यानंतर त्याच्या वडिलांवर अंत्यसंस्कार करण्यात आले.
Views: 203
