३० एप्रिलला होणार्या बीड येथील विभागीय अधिवेशनाच्या अणुषगांने शिरुरमध्ये बैठक संपन्न
प्रतिनिधी ! शिरुर
पत्रकारिता आणि पत्रकारांसाठी काम करणाऱ्या ‘व्हॉइस ऑफ मीडिया’ या संघटनेची शुक्रवार दि.२१ एप्रिल रोजी सिद्धेश्वर मंदीरावर मोठ्या खेळीमेळीच्या वातावरणात बैठक संपन्न झाली.३० एप्रिल रोजी बीड येथे होणाऱ्या अधिवेशनासाच्या पूर्वतयारीसाठी या बैठकीचे आयोजन करण्यात आले होते.यावेळी व्हॉईस ऑफ मीडियाचे बीड जिल्हा संघटक अमोल मुळे, कार्यवाहक केशव कदम यांनी उपस्थितांना मार्गदर्शन केले.या बैठीसाठी शिरुर व तालुक्यातील पञकार मोठ्या संख्येने उपस्थित होते.संघटनेचे संस्थापक-अध्यक्ष संदीप काळे यांच्या संकल्पनेतून उभ्या राहिलेल्या या संघटनेच्या पत्रकार बांधवांच्या हितासाठी असणाऱ्या प्रश्नावर या बैठकीत चर्चा झाली.संघटनात्मक बांधणी हे पर्व आता संपले आहे,
आता कृतिशील कार्यक्रम सुरू झाला आहे.पत्रकारांना घरे मिळाली पाहिजेत. पत्रकारांना आरोग्य कार्ड मिळाले पाहिजेत, पत्रकारांच्या मुलांचे शिक्षण मोफत झाले पाहिजे,अद्ययावत तंत्रज्ञानाची माहिती मिळाली पाहिजे,अर्धवेळ काम करणाऱ्या पत्रकारांनी व्यवसायाकडे वळले पाहिजे या व्यतिरिक्त पञकारांच्या कोणत्याही अडीअडचणी कशा सोडवता येतील यावर भर दिला पाहीजे यासह विविध मुद्द्यावर चर्चा संपन्न झाली.तसेच ही संघटना सर्वाना सोबत घेऊन काम करत असल्याचे आलेल्या मान्यवरांनी सांगितले.बैठकीच्या सुरुवातीला अमोल मुळे यांचे स्वागत बबन देशमुख यांनी केले तर केशव कदम यांचे स्वागत विजयकुमार गाडेकर यांनी केले.
यावेळी व्हाईस आॕफ मिडियाचे तालुकाध्यक्ष अशोक शिंदे,जेष्ट पञकार विजयकुमार गाडेकर,बबन देशमुख,अशोक भांडेकर,उपाध्यक्ष डिंगाबर गायकवाड, राज कातखडे,सरचिटणीस प्रमोद निकम,सहसरचिटणीस प्रकाश साळवे,कार्यवाहक गौतम औसरमल,सदस्य विष्णु सवासे,रांजेद्र काळे,बाळकृष्ण मंगरुळकर यांच्यासह जगन्नाथ परजने मनोज परदेशी व तालुक्यातील पञकार बांधव मोठ्या संख्येने उपस्थित होते.बैठकीच्या बीड येथे होणाऱ्या अधिवेशनासाठी शिरुर तालुक्यातुन मोठ्या संख्येने उपस्थित राहणार असल्याची ग्वाही बैठकीला आलेल्या सर्व पञकारांच्या वतीने देण्यात आली.
