भामपुर व टेकवाडे फाट्यावर प्रवाशी निवाऱ्या अभावी प्रवाशांची हेळसांड
रोडला उभे राहूनच पहावी लागतेय बसची वाट
त-हाडी (प्रतिनिधी ) बस थांबा तिथे प्रवाशी निवारा हे धोरण राज्य परिवहन महामंडळाचे असले तरी शिरपूर तालुक्यातील भामपुर व टेकवाडे फाट्यावर रोडलाच उभे राहून प्रवाशांना बसची वाट पहावी लागत असुन प्रवाशांची होणारी गैरसोय लक्षात घेता राज्य परिवहन महामंडळाने अथवा सार्वजनिक बांधकाम विभागाने प्रवाशांसाठी भामपुर टेकवाडे फाट्यावर प्रवाशी निवारा उभारण्याची मागणी मराठा कुणबी पाटील बहुउद्देश संस्थांचे अध्यक्ष रावसाहेब चव्हाण यांनी केली आहे.
भामपुर टेकवाडे फाट्यावर हक्काचा प्रवाशी निवारा प्रवाशांसाठी नसल्यामुळे शिरपूर , शहादा, , तळोदा, , बडोदा, , यावल रावेर,,
चोपडा , अमळनेर , जळगाव,
नंदुरबार , अशा आदी ठिकाणी जात असलेल्या प्रवाशांना रोडच्या बाजूलाच ताटकळत उभे राहून बसची वाट पहावी लागत आहे.
भामपुर टेकवाडे फाट्यावर प्रवाशांना निवारा नसल्यामुळे नाविलाजास्तव एखाद्या झाडांचे, हॉटेलचा सहारा घ्यावा लागत आहे परंतु त्या ठिकाणी देखील चहा ,नाष्टा अशा वस्तू घेतल्या तरच हॉटेल चालक मालक प्रवाशांना थांबू देत असल्यामुळे नाहक प्रवाशांच्या खिशाला झळ बसत असल्याचे देखील मराठा कुणबी पाटील बहुउद्देश संस्थांचे अध्यक्ष रावसाहेब चव्हाण म्हणाले ,
भामपुर टेकवाडे फाट्यावर बाराही महिने उन ,वारा ,हिवाळा पावसाळ्यात ,प्रवाशांना रोडला उभे राहून बसची वाट पहावी लागत आहे .त्यातच प्रवाशी उभे रहात असलेल्या रोडच्या ठिकाणचे काम देखील अपुरे आहे त्यामुळे तेथे दगड गोट्यांची मोठी संख्या आहे अन् वाहनांची रहदारी जास्त जर एखाद्या दगड उडून प्रवाशांना लागला अन् प्रवाशांच्या जिवाचे काही बरे वाईट झाले तर यास जबाबदार कोण ? असा सवाल देखील मराठा कुणबी पाटील बहुउद्देश संस्थांचे अध्यक्ष यांनी उपस्थीत केला आहे.
_चौकट
भामपुर टेकवाडे फाट्यावर प्रवाशांची वाढती संख्या लक्षात घेता त्या ठिकाणी प्रवाशी निवारा असणे गरजेचे आहे संबंधित विभागाने यांची दखल घेत प्रवाशांसाठी निवारा उभारावा अन्यथा भामपुर फाट्यावर प्रवाशी निवारा उभारण्यासाठी तीव्र स्वरुपाचे आंदोलन छेडण्यात येणार असल्याची माहिती मराठा कुणबी पाटील बहुउद्देश संस्थांचे अध्यक्ष रावसाहेब चव्हाण यांनी दिली
