“पोक्रा’ला गतिरोधक..ऑनलाईन साइड बंद पडली.”
पोक्रा अंतर्गतच्या गावातील शेतकरी संभ्रमात.
“पेरणीच्या तोंडावर शेतकऱ्यांना पूर्वसंमतीच नाही..!”
त-हाडी :- गेल्या एक महिन्यापासून पोक्रा या योजने ची ऑनलाईन साईड बंद असल्यामुळे यात समावेश असलेल्या सर्वच गावातील शेतकऱ्यांचे ठिबक,स्पिंकलर व इतर साहित्य घेण्याचे स्वप्न भंगते की काय..? ही धाकधूक शेतकऱ्यांना ऐन पेरणीच्या तोंडावर लागून चुकली आहे.
कारण अनेक शेतकऱ्यांनी पोक्रा योजनेत वेगवेगळ्या शेतीविषयक साहित्यासाठी नोंदणी केली असली तरी अनेक शेतकऱ्यांना मुदतीत अर्ज करूनही पूर्वसंमती अजूनपर्यंत भेटलेली नाही.पोक्रा योजनेची मुदत संपल्याचे सूतोवाच सद्या केले जात असून ऑनलाईन अर्ज केलेल्या लाभार्थ्यांना या योजनेतून अनुदान मिळणार की नाही ही चिंता सद्या शेतकऱ्यांना त्रस्त करीत आहे.यासाठी शासनाने मुदतीत अर्ज केलेल्या शेतकऱ्यांना पूर्वसंमती देऊन त्यांच्या वेगवेगळ्या वेगवेगळ्या टेबलवरच्या फाइल अनुदानासाठी पात्र ठरविण्यासाठी प्रयत्न करावे अशी मागणी शेतकरी वर्गाकडून सद्या होत आहे.
नानाजी देशमुख कृषी संजीवनी योजना अर्थात पोक्रा ही योजना २०१७-१८ ते २०२३-२४ या पाच वर्षाच्या काळात राज्यातील १५ जिल्ह्यात राबविली गेली,त्यात धुळे जिल्ह्याचा पण समावेश होता.शिरपुर तालुक्यातील जवळपास ७९ गावात ही योजना मोठा गाजावाजा करून अंमलात आणल्या गेली.त्याचे परिणामही सकारात्मक आले.चालू आर्थिक वर्षात या योजनेत अनेक पात्र लाभार्थ्यांची ऑनलाईन अर्ज केले असले तरी अनेक दिवसांपासून शेतकऱ्यांना पूर्वसंमती मिळत नसल्याच्या तक्रारी सद्या येत आहे.ऑनलाईन साइड एक महिन्यापासून बंद असल्याने ही योजना बंद तर झाली नाही या पण शंका शेतकऱ्यांना सद्या येऊ लागल्या आहेत.यासाठी शासनाने याबाबतच्या शंका कुशंकाचे निरसन करावे व मुदतीत ज्यांनी अर्ज सादर केले आहेत,त्यांना पूर्वसंमती देऊन अनुदानासाठी तशा टेबलावरच्या फाईल लवकरात लवकर काढून शेतकऱ्यांच्या खात्यात अनुदान जमा करण्याची प्रक्रिया करावी अशी मागणी जोर धरत आहे.
“पोक्रा’ 2 येणार…?”
नानाजी देशमुख कृषी संजीवनी योजना अर्थात पोक्रा मुळे राज्यातील शेतकऱ्यांचे जीवनमान उंचविण्यात मोठी मदत झाली असून पुन्हा राहिलेल्या गावांसाठी ही योजना ‘पोक्रा 2’ नावाने येणाचे संकेत मिळाले आहेत.तशा गाईडलाइन थोड्याच दिवसात जाहीर होणार असल्याची खात्रीलायक माहिती प्राप्त झाली आहे.
“यावर्षी विहिरींना पाणी आहे परंतु सदर पोक्रा योजनेची ऑनलाईन साईड गेल्या एक महिन्यापासून बंद असल्यामुळे तालुक्यातील बऱ्याच शेतकऱ्यांचे अर्ज पूर्वसंमती पर्यंत जाऊन थांबलेले आहेत ज्यांनी अर्ज केलेले आहेत त्यांना पूर्वसंमती मिळाल्यास यावर्षी पूर्व हंगामी पिक निघेल तरी सदर योजनेकडे संबंधीत अधीकारी व राजकीय मंडळींनी शासनास विनंती करून योजनेचा लाभ मिळण्याकरिता प्रयत्न करावे.”
रविंद्र पाटील शेतकरी, भटाणे ता.शिरपुर
