भाव वाढीच्या आशेने कापूस उत्पादक शेतकऱ्यांचा कापूसशेतकऱ्यांची आर्थिक पिळवणूक घरात पडून..
छोटं मोठे व्यापारी, दुकानदार व्यावसायिक अडचणीत
शेतकऱ्यांची आर्थिक पिळवणूक
त-हाडी, दि. ३० (महेंद्र खोंडे) :- गेल्या वर्षी खाजगी जिनींगवर कापूस उत्पादक शेतकर्‍यांना दहा ते बारा हजार रुपय प्रति क्विंटल भाव मिळाला. याही वर्षी कापसाला चांगला भाव मिळेल यामुळे शेतकर्‍यांनी कापसाची लागवड मोठया प्रमाणात केली. पण भाव वाढीच्या आशेने कापूस उत्पादक शेतकऱ्यांनी घरात कापूस दाबून ठेवला होता. आज भाव वाढेल उंद्या भाव वाढ होईल या हेतूने मे महिना संपला तरी दिवसेंदिवस कापूस वाढण्याऐवजी अचानक कमी कमी होत असून व्यापारी, दुकानदार जिनिंग यांनी कापसाचे भाव गडगडले आहे. यामुळे मात्र कापूस उत्पादक शेतकरी, छोटं मोठे व्यापारी अडचणीत आले आहे.
यंदाच्या वर्षी कापूस उत्पादक शेतकऱ्यांच्या अशा पल्लवीत झाल्या होत्या कापुस उत्पादक शेतकऱ्यांना अच्छे दिन येणार आहे. सन- २०२२ या वर्षातील दसरा दिवाळी डिसेंबरच्या धामधुमीत कापूस खरेदी शासनाच्यावतीने हमीभाव देण्यात आला असला तरी म्हणजे आठ ते नऊ हजार रुपयांपर्यंतचा जास्त भाव मिळत होता. दरम्यान कापसाच्या खरेदीच्या सुरुवातीलाच शेतकऱ्यांना 7500 पेक्षा अधिक भाव मिळू शकतो तसेच हे भाव काही महिने तरी स्थित राहतील त्यातच कापसाची मागणी वाढल्यास या भावात देखील वाढ होऊ शकते. त्यातच बाजारात व्यापार्यांकडून भाव कापसाची मागणी वाढल्याने कापसाचे भाव दहा ते बारा रुपयांपर्यंत जाऊ शकतात. भाववाढीच्या आशेने कापूस उत्पादक शेतकऱ्यांनी घरात कापूस दाबून ठेवला होता. आज भाव वाढेल उंद्या भाव वाढ होईल या विचाराने सन- २०२३ जानेवारी पासून ते एप्रिल मे महिना संपला तरी दिवसेंदिवस कापूस वाढण्याऐवजी कमी कमी होत असून व्यापारी दुकानदार जिनिंग यांनी कापसाचे भाव गडगडले आहे. असा आरोप शेतकऱ्यांकडून केला जात आहे. तरी शेतकऱ्यांना दिलासा मिळेल आर्थिक पिळवणूक थांबले अशी भूमिका घेतली पाहिजे अशी मागणी शेतकरी संघटनेकडून करण्यात येत आहे.
…….. चौकट
धुळे जिल्ह्यात मोठ्या प्रमाणावर कापूस पीक उत्पादन शेतकरी घेतात. यामध्ये शिरपूर ,शिंदखेडा, साक्री, धुळे, दोंडाईचा तालुक्यात शेतकऱ्यांचे पांढरे सोने समजले जाणाऱ्या कापुस उत्पादन मोठ्या प्रमाणावर घेतले जाते. कधी अतिवृष्टी तर कधी अवकाळी पाऊसाच्या संकटात ही कापूस शेती तग धरून होती. पण असे असेल तरी मागील वर्षी एप्रिल मे महिन्यात कापसाला दहा ते बारा हजार रुपयांचा भाव मिळाला होता. म्हणून यंदाच्या वर्षी अनेक शेतकऱ्यांनी कापूस घरात साठवून ठेवण्यात आला. पण सध्या कापसाचे भाव आठ हजारांहून ते ६५०० ते ६८०० दरम्यान खाली कोसळले आहे. त्या मुळे शेतकऱ्यां कडून संताप व्यक्त केला जात आहे. असे शेतकरी धनराज कंरके, सुनिल भामरे, सुरेश पाटील, विशाल कंरके, भाऊसाहेब बोरसे यांनी सांगितले.
