सहाय्यक पोलिस निरीक्षक अजय गोरड यांच्या वाढदिवसानिमित्त जन्मगावी सरपंच राणी विश्वजीत गोरड यांच्या कडुन अनोखा उपक्रम
विश्वजीत गोरड/पिलीव प्रतिनिधी-
सद्या कराड पोलिस स्टेशनला कर्तव्य बजावत असणारे बचेरी गावचे सुपुत्र अजय गोरड यांच्या वाढदिवसानिमित्त आज त्यांच्या बचेरी या जन्मगावी विद्यमान सरपंच राणी विश्वजीत गोरड यांनी जिल्हा परिषद शाळा बचेरी येथील दोनशे मुलांना खाऊ वाटप केले तर दहा विद्यार्थी दत्तक घेतले आहेत या अभिमानास्पद उपक्रमाचे सर्व स्तरातुन कौतुक होत आहे. बचेरी सारख्या छोट्याशा खेडेगावातुन मराठी शाळेत शिकुन सहाय्यक पोलिस निरीक्षक पदापर्यत मजल मारली.
आत्तापर्यत यवत, नारायणपुर,उंब्रज येथे कर्तव्य बजावत असताना अजय गोरड यांनी अनेक सामाजिक उपक्रम राबवले.नुकतीच त्यांची आता उंब्रज पोलिस स्टेशन वरुन कराडला बदली झाली. यावेळी उंब्रजकरांनी रथात बसवत फुलांचा वर्षाव करत जड अंतःकरणाने निरोप दिला. उंब्रज येथे तीन वर्षाच्यासेवेत पन्नासहुन अधिक अरोपींनी तडीपार केले होते त्यांच्या कामगिरीबद्दल मंत्री शंभुराजे देसाई व बाळासाहेब पाटील नेहमी कौतुक करत असत. काम करताना अजय गोरड यांनी पोलिस व नागरिक यांच्यात नेहमी समन्वय साधुन पोलिसाबद्दल नागरिकांची भुमिका नेहमी कुटुंबासारखी ठेवली. दारुबंदीसाठी कडक पाऊले उचलुन अनेक संसार वाचवले. ज्या माणसामुळे आमचे संसार वाचले तो साहेब बदली झाला हे समजताच मायमाऊलीनी उंब्रज पोलिस स्टेशन येथे येऊन हंबरडा फोडला परंतु प्रत्येक सरकारी अधिकार्याला बदली अटळ असते .
अशा दबंग अधिकार्याचा वाढदिवस असल्यामुळे त्यांच्या जन्मगावातील ज्या मुलांना आई वडील नाहीत अथवा ज्या मुलांची परिस्थिती अत्यंत हलाकीची आहे अशा दहा मुलांची निवड करुन त्या मुलांना वर्षभर लागणारे शालेय साहित्य मोफत पुरवुन त्यांना दत्तक घेणार असल्याचे सरपंच राणी विश्वजीत गोरड यांनी जाहीर केले.
यावेळी उपसरपंच महादेव बरकडे , युवा नेते बिराभाई शिंदे,दशरथ ढवळे ,माजी सरपंच महादेव पाटील, लक्ष्मण गोरड, सोमनाथ गाढवे माजी उपसरपंच सुदाम शिंदे,वामन शिकारे,मोहन शिकारे, अशोक पाटील ग्रामपंचायत सदस्य जयवंत भिसे,शालन माने सोसायटी संचालक दिलीप माने, माजी चेअरमन राजु गटकुळे, पोलिस पाटील आण्णासो शिकारे उपस्थित होते
