ई- पीक पाहणी करा अन्यथा लाभ मिळणार नाही…?
महसूल प्रशासनाकडून आवाहन…
त-हाडी,ता.२५(प्रतिनिधी)
शिरपूर तालुक्यात सध्या ई-पिक पाहणीचा हंगाम सुरू आहे.तहसीलदार,मंडळ अधिकारी व तलाठ्यांच्या माध्यमातून प्रत्येक शेतकऱ्यांना आवाहन करण्यात येत आहे की,त्यांनी आपल्या पिकाची शेतामध्ये जाऊन ई-पिक पाहणी लवकरात लवकर करून घ्यावी अन्यथा शासनाकडून कोणताही लाभ मिळणार नाही.
शासनाने शेतकऱ्यांना मोबाईल वरती लिपिक पाहणी आणि अनिवार्य केली आहे. चालू खरीप हंगामातील ई पिक पाहणीची मुदत ता.३० ऑगाष्ट पर्यंत असून ही ई पीक पाहणी अँड्रॉइड मोबाईलच्या माध्यमातून करायची आहे. शेतकऱ्यांनी विहित कालावधीमध्ये ही ई पिक पाहणी न केल्यास संभाव्य तोटा होऊ शकतो.पीक विमा मिळण्यास अडचण,पी.एम.किसान योजना,सोसायटी किंवा बँकेकडून पीक कर्ज मिळण्यास अडचण,अतिवृष्टी नुकसान भरपाई,गारपीट नुकसान भरपाई,कांदा अनुदान इत्यादी अनेक शासकीय योजनेसाठी पिक पाहणी आवश्यक आहे.ई पीक पाहणी न केल्यास सदर जमीन पडीक आहे म्हणुन नोंद लागेल.पिक पाहणीचे महत्त्व शेतकऱ्यांना पाठवून देण्यासाठी महसूल विभागाकडून ठिकठिकाणी माहितीपत्रके, भीतीपत्रके व तसेच सोशल मीडियावर तसेच गावोगावी मोठ्या प्रमाणात जनजागृती केली जात आहे असे असताना सुद्धा शेतकरी ई पीक पाहणी करण्यासाठी उदासीन असल्याची परिस्थिती शिरपुर तालुक्यात पाहायला मिळत आहे.
◼️ई पीक पाहणीला सर्वर डाऊन चा खोडा
ई पीक पाहणी ॲप चे सर्वर डाऊन चा त्रास शेतकऱ्यांना उद्भवत आहे.अशा परिस्थितीत ॲप अपडेट करून घेणे योग्य असून याही नंतर जर डाटा अपलोड करत असताना काही अडचणी उद्भवत असल्यास संबंधित तलाठी अथवा महसूल विभागातील अधिकाऱ्यांकडून मार्गदर्शन घेण्याचा सल्ला दिला जात आहे.
◼️ई- पिक पाहणी न केल्यास!
ई पीक पाहणी केली नसल्यास पीक विम्याचा लाभ मिळणार नाही! सरकारी अनुदानही मिळणार नाही.शिवाय पीक विम्याचा लाभ आणि सरकारी अनुदानही मिळणार नाही.राज्य सरकारने शेतकऱ्यांना मिळणाऱ्या प्रत्येक योजनेमध्ये एपिक पाहण्याची अत्यंत महत्त्वपूर्ण अट घातलेली आहे.
◼️आपले नाव यादीत आहे की,नाही तपासणी करून घ्या…
अँड्रॉइड मोबाइल मधून प्ले स्टोअर वरून ई पिक पाहणी हे ॲप इंस्टॉल करा,त्यानंतर ई पीक पाहणी या पर्यायवर क्लिक करा या पर्यायावर क्लिक केल्या नंतर जिल्हा,तालुका आणि गाव निवडायचं आहे.त्यानंतर तुमच्या समोर तुमच्या गावातील शेतकाऱ्याची यादी दिसेल यात तुमचे नाव शोधा यात ज्यांची ई पीक पाहणी झाली असेल त्यांचे नाव हिरव्या रंगत दिसेल आणि जर का तुमची ई पीक पाहणी झाली नसेल तर लवकरात लवकर ई पीक करून घ्या आणी सरकारी योजनाच लाभ घ्या.
