अवकळी पावसाचा तडाखा ; अन् थंडीचा कडाका
शेकोटीशेजारी गर्दी; तर युवकांचा व्यायामाकडे वाढला कल
त-हाडी : शिरपूर तालुक्यासह परिसरात दिवाळीनंतरच हवेत गारवा निर्माण झाला होता. नोव्हेंबरच्या सुरवातीस हलकीशी थंडी जाणवत होती. मात्र, नोव्हेंबर महिन्याच्या शेवटच्या आठवड्यापासून तालुक्यासह परिसरात अवकाळी पावसाचा तडाखा बसला असल्याने परिसरात थंडीचा कडाका वाढला आहे. नागरिक सकाळ, सायंकाळ शेकोटी शेजारी बसताना दिसत आहेत.
अवकळीच्या तडाख्यामुळे अन् थंडीच्या कडाक्यामुळे परिसरातील बाजारपेठा ओस पडत आहेत. व्यापारी आपली दुकाने लवकर बंद करीत असल्याने, रात्री नऊ – साडेनऊ वाजताच बाजारपेठेतील सर्व दुकाने बंद होत आहेत.
थंडीचा मौसम हा आरोग्यासाठी लाभदायक असतो. या ऋतूमध्ये युवकांनी सकाळी उठून व्यायाम केल्यास शरीरालाही पूरक ठरतो. त्यामुळे वय १८ वर्षांच्या तरुणाई पासून ते चाळीशी पर्यंतची मंडळी जीम मध्ये घाम गाळतांना दिसत आहेत.
हिवाळ्यात आम्ही पहाटे शिरपूर – शाहादा महामार्ग वर ; तसेच त-हाडी, वरुळ भटाणे परिसरात परिसरात व्यायाम करण्यासाठी घराबाहेर पडत असल्याचे राहुल धनगर, अनिकेत कोळी, भावनेश पाटील, प्रविण शिंदे यांनी सांगितले.
वय वर्ष अठरा ते पंचविशी पर्यंतचे अनेक युवक व्यायाम करण्यासाठी सकाळी – सकाळीच घराबाहेर पडत – असल्याचे दिसून येते; तर स्पर्धेच्या युगात तरुणांना मसल्स बणवण्याचे क्रेझ असल्याने, गावरान व्यायाम करण्यापेक्षा तरुणाई जीम मध्ये घाम गाळतांना दिसत आहे.
परंतु हे प्रमाण वाढण्याची गरज असल्याचे प्रतिपादन जिम प्रशिक्षक यांनी दिव्य मराठी’शी बोलताना सांगितले.
थंडीच्या दिवसात बालकांची विशेष काळजी घ्यावी लागते. सकाळी कडाक्याची थंडी पडत असल्याने, लहान मुलांना सकाळी स्नान घालणे टाळावे, दुपारच्या वेळी ऊन पडल्यानंतर स्नान घातल्यास सर्दी – पडसे – खोकला असे विकार होत नाहीत, असे मत डॉ. मोहन पाटील यांनी दिव्य मराठी’शी बोलताना सांगितले.
रब्बी पिकाला फायदा; धुक्याचा खोडा
थंडीचा फायदा ज्वारी, गहू या पिकाला होत असल्याचे, मात्र अवकाळी पाऊस, अन् दाट धुके पडत असल्यामुळे त्यात खोडा पडत असल्याचे शेतकरी. रावसाहेब, पारधी, सुभाष भामरे, सुनील पाटील, रावसाहे
