महिम शाळेचे तायक्वांदो स्पर्धेत यश
महिम (ता. सांगोला) : येथील जिल्हा परिषद प्राथमिक शाळेतील तायक्वांदो क्रीडा प्रकारात यश मिळवले .
सांगोला येथील क्रीडा संकुलात नुकत्याच झालेल्या तालुकास्तरीय शालेय क्रीडा स्पर्धेमध्ये महिम येथील जिल्हा परिषद प्राथमिक शाळेच्या विद्यार्थ्यांनी तायक्वांदो क्रीडा प्रकारात घवघवीत यश मिळविले आहे.
क्रीडा व युवक सेवा संचालनालय महाराष्ट्र राज्य पुणे अंतर्गत सांगोला तालुका क्रीडा अधिकारी कार्यालय व पंचायत समिती गटशिक्षणाधिकारी यांच्या वतीने नुकत्याच तालुकास्तरीय क्रीडा स्पर्धा घेण्यात आल्या.
या तालुकास्तरीय शालेय क्रीडा स्पर्धेमध्ये तायक्वांदो या क्रीडा प्रकारात १४ व १७ वर्षाखालील गटात महिम येथील जिल्हा परिषद प्राथमिक शाळेतील आर्या शेंडगे, शरयू कारंडे, कल्याणी कारंडे, संस्कृती घोगरे, शिवानी घोगरे, शुभांगी शेंडे या विद्यार्थिनींनी सुवर्णपदकाची कमाई केली आहे. या विद्यार्थिनींची जिल्हास्तरीय स्पर्धेसाठी निवड झाली आहे.
या मुलांना प्रतीश खताळ व सुधीर वसेकर यांचे मार्गदर्शन लाभले. या यशाबद्दल मुख्याध्यापक सुरेश शिंदे, शाळा व्यवस्थापन समिती, शिक्षक- पालक संघ, ग्रामस्थ यांनी अभिनंदन केले आहे.
