राजमाता जिजाऊ व स्वामी विवेकानंद यांच्या जयंतीनिमित्त विविध कार्यक्रमाचे आयोजन
त-हाडी
कोंढावळ क्रांतिज्योती सावित्रीबाई फुले माध्यमिक विद्यालयात युवा दिवसा निमित्त आनंद मेळावा संत सावता माळी बहुउद्देशीय विकास मंडळ संचलित, क्रांतिज्योती सावित्रीबाई फुले माध्यमिक विदयालयात १२ जानेवारी राष्ट्रीय युवादिना निमित्त स्वामी विवेकानंद व आई जिजाऊ यांच्या प्रतिमेचे पूजन करून कार्यक्रमाची सुरवात करण्यात आली.
कार्यक्रमाचे अध्यक्षस्थान विदयालयाचे मुख्याध्यापक जे. पी. माळी हे होते. कार्यक्रमाचे सूत्रसंचालन वाय. एस. शिंपी यांनी केले. कार्यक्रमात विद्यार्थ्यांनी मनोगत व्यक्त केले.हितेश बागुल, प्राजक्ता माळी, भैरवी गोसावी यांनी मनोगत व्यक्त केले.स्वामी विवेकानंद यांच्या जीवनावर प्रकाश टाकत उपशिक्षक जी. डी. वाल्हे यांनी आपले विचार मांडले.
त्यानंतर उपशिक्षक प्रमोद परदेशीं यांनी आई जिजाऊ यांचे विचार मांडताना स्वराज निर्माण करण्यासाठी जिजाऊ यांनी छत्रपती शिवाजी महाराज यांच्यावर कसे संस्कार देऊन त्यांना घडवले आपल्या विचारातून मांडले. के. एस. सैंदाणे यांनी आभार मानून आनंद मेळाव्याला सुरवात करण्यात आली.
आनंद मेळाव्यात इ.५ वी ते इ.१० वी पर्यंतच्या विद्यार्थ्यानी सहभाग घेतला. कार्यक्रम येशस्वी करण्यासाठी उपशिक्षक डी. एस. जगताप, आर. एच. खैरनार, एस. पी. सोनवणे, एम. एम. माळी. शिक्षेकेत्तर कर्मचारी आर. एम. बागुल, एस. डी. बैसाणे यांनी प्रयत्न केले.
