साहेबांना लाख रु पगार, तरी फ.
अबबब २७७ शासकीय कर्मचारी फुकटचा लाभ घेणारे….
मयताचे नांवे कमी करुन नवीन सर्वे करण्यात यावा
आता पर्यंत फक्त ४ अधिकारी यांनी स्वतःहून सोडले धान्य.
महेंद्र खोंडे त-हाडी
शिरपूर तालुक्यातील सरकारी बाबुनी थेट गरिबाच्या धान्यवरच डल्ला मारल्याचे आता समोर आले आहे.
अन्न सुरक्षेतील मोफत धान्याचा लाभ घेणाऱ्या अपात्र लाभार्थी, शासकीय कर्मचाऱ्यांची पडताळणी करून २० फेब्रुवारीपर्यंत कार्यवाही करावी, असे निर्देश अन्न नागरी पुरवठा विभागाचे उपसचिवांनी राज्यातील सर्व जिल्हा पुरवठा, अन्नधान्य वितरण अधिकारी व उपनियंत्रक शिधावाटप यांना दिले आहेत.
या निर्देशाने फुकटचा लाभ घेणारे सरकारी बाबू आता तरी लाभ सोडतील का? गरिबांचा फुकटचा रेशन घेतीलच असा सवाल तालुक्यातील नागरिकांना पडला आहे.
या निर्देशामुळे अपात्र लाभार्थी व मोफत धान्याचा लाभ घेणाऱ्या शासकीय कर्मचाऱ्यांमध्ये शासनाकडून अन्न सुरक्षा योजनेतील लाभार्थ्यांना शासनाकडून मोफत धान्य दिले जाते. मात्र या योजनेचा लाभ अनेक शासकीय कर्मचारी अनेक दिवसापासून घेत असल्याचे समोर आले आहे. यामुळे अनेक गरजू लाभार्थी वंचित राहत आहे.
दरम्यान तालुक्यात मोफत धान्याचा लाभ घेणाऱ्या शासकीय कर्मचाऱ्यांची संख्या मोठया प्रमाणात असल्याचे बोलले जाते आहे.
तालुक्यातील आकडेवारी…..
शिरपूर तालुक्यात २०६ स्वस्त धान्य दुका आहेत. तर ६३ हजार १०७ शिधापत्रिकाधारक आहेत.
-तालुक्यात अंत्योदय योजनेचे १४ हजार ३०९ शिधापत्रिका असून ३०८०४८ नागरिकांना मोफत धान्य दिलंय जाते.
-अन्न सुरक्षा योजनेत ४८ हजार ७९८ शिधापत्रिकाधारक असून याचा लाभ २३ लाख८ हजार ६५२ नागरिकांना मिळतो.
बाजार भावाप्रमाणे वसुली होणारच…….
मोफत धान्याचा लाभ घेणाऱ्या शासकीय कर्मचाऱ्यांनी तातडीने हकसोडावा. हक्क न सोडणाऱ्या शासकीय कर्मचाऱ्यांकडून आतापर्यंत लाभ घेतलेल्या धान्याचा बाजार भावा प्रमाणे वसुली करण्यात येणार आहे. यापूर्वी २०१८ मध्ये काही कर्मचाऱ्यांनी हक्क सोडलेला आहे. मात्र आजही अनेक शासकीय कर्मचारी लाभ घेत असल्याचे समोर आल्याने पुरवठा
विभाग आता चालू बाजर भावा प्रमाणे वसुली करणार आहे.
प्रफुल्ल पाटील माजी तालुका अध्यक्ष भाजप
अनेक शासकीय कर्मचारी गरिबांच्या मोफत धान्य योजनेचा लाभ घेत असल्याने गोरगरीब कुटुंब या लाभापासून वंचित राहत आहेत. कर्मचाऱ्यांनी स्वतः हक्क सोडावा व आजपर्यँत त्यांनी घेतलेल्या धान्यची आजच्या बाजार भावाप्रमाणे वसुली करावी मयत झालेल्या व्यक्तीचे नांवे कमी करावे , नवीन सर्वे कराव, अशी नागरिकांची मागणी आहे.
अबब…..क्लास २७७ अधिकारी….
पहिल्या यादीत २७७ कर्मचाऱ्यांची नावे असली तरी मोफत धान्याचा लाभ घेणाऱ्या कर्मचा-यांची संख्या मोठी असल्याचे बोलले जात आहे.या यादीत तबबल २७७ अधिकारी आढळले असल्याने तालुक्यात उलट सुलट चर्चेला उधाण आले आहे.या काही अधिकाऱ्यांना अजूनही मोफत धान्याचा मोह काही सुटायला तयार दिसत नाही.
.
प्रतिक्रिया
राज्य सरकारकडून आलेल्या पहिल्या यादीत २७७ शासकीय कर्मचारी आढळले आहेत
शासकीय कर्मचाऱ्यांची शोध मोहीम दरवर्षी सुरू असते
शिरपूर तालुक्यात शासकीय कर्मचारी अंत्योदय योजना, अन्न सुरक्षा योजनेचं मोफत धान्य लाभ घेत आहेत त्यांना आम्ही नोटीस बजावणार आहोत तसेच शासकीय कर्मचारी, स्वतः हुन हक्क सोडावा हक्क न सोडल्यास बाजार भावाप्रमाणे वसुली करण्यात येईल
भटेसिंग बोरसे पुरवठा अधिकारी शिरपूर
प्रतिक्रिया
माझे नाव माझ्या वडिलांच्या राशन कार्ड आहे तरी माझे रेशन कार्ड विभक्त करून द्यावे मी लाभ सोडायला तयार आहे
मनोज माळी शिरपूर
चौकट
धुळे जिल्ह्यातील मोफत धान्य घेणारे शासकीय कर्मचारी
धुळे -११९२
साक्री -४५४
शिंदखेडा -२१५
शिरपूर -२७७
एकुण -२०४८
कोट
रेशन धान्यची सर्रास केली जाते विक्री
रेशनच्या धान्यची ग्रामीण भागात सर्रास विक्रीही केली जाते छोटे व्यापारी घरोघरी जाऊन गहू तांदूळाची खरेदी करतात त्यामुळे काही जण केवळ लाभ मिळतो म्हणून धान्य उचलतात त्याला ब्रेक बसणे गरजेचे आहे
