तापीमाथ्यावर गुढीपाडवा पारंपरिक पद्धतीनेच
त-हाडी/वार्ताहर :- शिरपूर तालुक्यातील तापीमाथ्यावर त-हाडी वरुळ भटाणे अभानपुर विखरण जवखेडा भामपुर ममाणे जळोद फत्तेपूर (फाॅ) परिसरात हिन्दू धर्मीयांमध्ये मोठे अनन्यसाधारण महत्त्व असणारा व साडेतीन मुहूर्तांपैकी एक आसा गुढीपाडवा हा सण मोठ्या पारंपरिक पद्धतीने व अगदी उत्साहात साजरा करण्यात आला.अगदी सकाळपासूनच यासणाची लोकांमध्ये लगबग दिसून येत होती.
अगदी सकाळी लवकरच स्नान आटपून लोक नव वस्त्र,कडूलिंबाचा डहाळा,पितळी अथवा तांब्याचे भांडे,साखरेचा व फुलाच्या हारासह वेळूच्या साह्याने गुढी उभारून तीची गोडधोड नैवेद्य दाखवून मोठ्या भक्तीभावाने पुजा करत होते.दारी उभारलेली गुढीही विजयाचे,समृद्धीचे प्रतिक मानले जाते.गुढीपाढव्यापासुनच खर्या अर्थाने राम जन्मोत्सवास सुरवात केली जाते.
गुढीपाडवा हा साडेतीन मुहूर्तांपैकी एक असल्याने शिरपूर शहरासह ग्रामीण भागातही विविध मौल्यवान व नवीन वस्तू खरेदीसहच काहीजण नवीन व्यवसाय,नवीन उपक्रमासही प्रारंभ केला जात होता.
