त-हाडी.ग्रामपंचायत अंगणवाडी अंतर्गत लाडकी बहिण योजनेचे नोंदणी शिबिर संपन्न
.
त-हाडी:-तालुक्यातील त-हाडी ग्रामपंचायत व अंगणवाडी च्या वतीने मुख्यमंत्री लाडकी बहीण योजनेचा लाभ घेण्याकरिता फॉर्म भरून घेण्याचा शिबीर पार पडला. ग्रामिण भागातील महिलांची हेळसांड होत असल्याने ग्रामपंचायत कार्यालयात भुपेशभाऊ फ्रेंड सर्कलचे निलेश कोळी , अंगणवाडी सेविका मदतनीस,ग्रामपंचायत कार्यालय कर्मचारी यांनी अनेक महिला भगिनी चे फॉर्म भरून घेतले आहेत.
सदर लाभार्थ्यांचे बँक खाते असणे बंधनकारक आहे. लाभार्थी कुटुंबाचे उत्पन्न अडीच लाखांपेक्षा जास्त नसावे.अर्जासाठी ही कागदपत्रे आहेत आवश्यकमहिलांना ऑनलाइन अर्ज सादर करावा लागणार आहे. यासाठी उत्पन्न दाखला, रहिवासी दाखला, लाभार्थ्यांचे आधारकार्ड, रेशनकार्ड, पासपोर्ट साईज फोटो, बँक खाते पासबुकची झेरॉक्स,अटी,शर्तीचे पालन करण्याबाबतचे हमीपत्र आदी कागदपत्रे लागणार आहेत.
विनामूल्य राहणार अर्ज भरण्याची प्रक्रियामुख्यमंत्री माझी लाडकी बहीण योजनेचे अर्ज पोर्टल/मोबाइल अँपद्वारे/सेतू सुविधा केंद्राद्वारे ऑनलाइन भरले जाऊ शकतात. पात्र महिलेस या योजनेसाठी ऑनलाइन अर्ज करता येईल. ज्या महिलेस ऑनलाइन अर्ज सादर करता येत नसेल, त्याच्यासाठी अर्ज भरण्याची सुविधा अंगणवाडी केंद्रात/बाल विकास प्रकल्प अधिकारी कार्यालये, ग्रामपंचायत / वॉर्ड/ सेतू सुविधा केंद्र येथे उपलब्ध असतील. भरलेला फॉर्म अंगणवाडी केंद्रात / बाल विकास प्रकल्प अधिकारी कार्यालये, सेतू सुविधा केंद्रांमध्ये नियुक्त कर्मचाऱ्यांद्वारे ऑनलाइन प्रविष्ट केला जाईल. अर्ज भरण्याची प्रक्रिया विनामूल्य राहील, असे आदेशात शासन निर्णयात नमूद आहे.
महिलांचे फॉर्म भरून भुपेशभाई फ्रेंड सर्कल निलेश कोळी यांनी मार्गदर्शन केले आहेत. यावेळी, प्रशासकीय अधिकारी आर जे पावरा , ग्रामविकास अधिकारी देवीदास धांडे अंगणवाडी सेविका योगिता पाटील, वंदन खोंडे ,वैशाली पाटील, सुनिता करंके,पत्रकार रावसाहेब चव्हाण, ग्रामपंचायत ऑपरेटर भावनेश पाटील, आत्माराम बागुल, नितीन भामरे, यांच्यासह गावातील बहुसंख्य महिला भगिनी उपस्थित होते.
फोटो –
शिरपूर तालुक्यातील त-हाडी येथे लाडकी बहीण योजनांसाठी योजना अंतर्गत फॉर्म भरताना ग्रामविकास अधिकारी देवीदास धाडे भावनेश पाटील,अंगणवाडी सेविका मदतनीस
