त-हाडी येथे पालक मेळावा उत्साहात संपन्न
ग्रामविकास संस्था संचलित कला महाविद्यालय बामखेडे त.त.व ग्रामपंचायत त-हाडी यांच्या संयुक्त विद्यमाने दि.१६ ऑगस्ट २०२४ शुक्रवार रोजी पालक मेळावा अत्यंत उत्साहात संपन्न झाला.
श्रीराम मंदिर त-हाडी येथे नवीन शैक्षणिक धोरण 20-20 व कौशल्य विकास या विषयावर पालक मेळाव्याचे आयोजन करण्यात आले होते. या कार्यक्रमाचे अध्यक्ष सामाजिक कार्यकर्ते, तंटामुक्त गावं अध्यक्ष मा.श्री तुळशीराम भाईदास पाटील होते.या कार्यक्रमाचे प्रास्ताविक डॉ. सी. एस. करंके यांनी केले. महाविद्यालयामध्ये कोणकोणत्या योजना राबवल्या जातात यांचा पालकांना , विद्यार्थ्यांना व गावकऱ्यांना परिचय करून दिला.तसेच आपल्या उज्वल भविष्यासाठी आमच्या महाविद्यालयात प्रवेश घ्यावा असे आवाहन केले.
या प्रसंगी प्रमुख वक्ते म्हणून महाविद्यालयाचे प्राचार्य डॉ. एच. एम. पाटील यांनी नवीन शैक्षणिक धोरण हे विद्यार्थ्यांच्या गुणवत्ते बरोबरच विद्यार्थ्यांच्या अंगी असलेल्या कला गुणांना वाव देणारी शिक्षण पद्धती आहे. शिवाय आपल्या मातृभाषेत आपल्याला आपल्या आवडीनुसार विषय व ज्ञान शाखांची निवड करता येईल. कला शाखेचा विद्यार्थी विज्ञान व वाणिज्य शाखांचाही अभ्यास करू शकतो व आपल्या कलागुणांना चालना देऊ शकतो अशा प्रकारची ही शिक्षण पद्धती आहे . विद्यार्थी स्वयंभू विकास साध्य करेल व स्वतःच्या विकासाबरोबरच राष्ट्र विकासात त्यांचा अनमोल सहभाग असेल. त्याच बरोबर ग्रामविकास संस्थेच्या कला महाविद्यालयाला आता विज्ञान शाखेची शासन मान्यता मिळालेली आहे.
म्हणून येत्या वर्षात प्रवेशित होणाऱ्या विद्यार्थ्यांना आम्ही 100% रोजगार विविध नामांकित कंपन्यांच्या माध्यमातून नोकरी व व्यवसायाची संधी उपलब्ध करून देण्याचा आमचा मानस आहे. तसेच
पी एम उषा या केंद्र सरकारच्या योजने अंतर्गत ५ कोटी रुपये निधी मंजुरी मिळणारे नंदुरबार जिल्ह्यातील एकमेव महाविद्यालय आहे. म्हणून येत्या काळात विद्यार्थ्यांना खूप मोठी संधी महाविद्यालय उपलब्ध करून देणार आहे. असा आशावाद व्यक्त केला. यावेळी प्राचार्यांनी शेतकरी पालकांना व महिलांना मार्गदर्शन केले. त्याबरोबरच परिसरातील मुलांनी बामखेडा महाविद्यालयात प्रवेश घेण्यासाठी आव्हान केले.
याप्रसंगी गावातील विद्यार्थी . पालक , प्रतिष्ठित नागरिक,ज्येष्ठ नागरिक व मराठी ग्रामीण पत्रकार संघाचे प्रतिनिधी इत्यादीचे सहकार्य लाभले . तसेच सदर कार्यक्रम यशस्वी करण्यासाठी आजी माजी विद्यार्थ्यांचे सहकार्य लाभले. कार्यक्रमाचे सूत्रसंचालन डॉ. बी. एन. गिरासे यांनी केले तर आभार प्रा . रविंद्र पावरा यांनी मानले. याप्रसंगी महाविद्यालयातील प्रा. डॉ. डी. बी. वाघ व शिक्षकेतर कर्मचारी श्री भास्कर मोरे उपस्थित होते.
