“संजीवन उद्यानाचा” भूमिपूजन समारंभ राज्याचे उपमुख्यमंत्री आणि पुणे जिल्ह्याचे पालकमंत्री मा. ना. अजितदादा पवार यांच्या हस्ते पार पडला !!
जगदीश का. काशिकर,
कायदा (लॉ) / नाेकरी (जाॅब) सल्लागार (कन्सलन्टंट) व मुक्त पत्रकार*, महाराष्ट, व्हाटसअप – ९७६८४२५७५७
पुणे: आज सकाळी 7:00 वा पुणे शहरातील वारजे हायवे लागत असलेल्या वन विभागाच्या जागेमध्ये तयार करण्यात येत असलेल्या “संजीवन उद्यानाचा” भूमिपूजन समारंभ राज्याचे उपमुख्यमंत्री आणि पुणे जिल्ह्याच्या पालकमंत्री मा. ना. अजितदादा पवार यांच्या हस्ते पार पडला. ३५ एकर जागेमध्ये तयार होत असलेल्या या उद्यानामुळे पुणे शहराच्या विकासामध्ये आणखी भर पडणार आहे.
नाव ठेवण्याच्या बाबतीत पुणेकरांचा हात कोणीही धरु शकत नाही. ढोल्या मारुती ते उपाशी विठोबा, पुणेकरांनी नावं ठेवताना देवानांही सोडलं नाही, अशा शब्दात उपमुख्यमंत्री अजितदादा पवार यांनी कोपरखळ्या लगावल्या. उपमुख्यमंत्री अजितदादा पवार यांच्या हस्ते पुण्यात संजीवन उद्यानाचा भूमीपूजन सोहळा पार पडला. वारजे परिसरात वन विभागाच्या जागेवर हे उद्यान साकारणार आहे. सकाळी सात वाजता अजितदादा पवार कार्यक्रम स्थळी हजर झाले. अगदी सातच्या कार्यक्रमाला अजितदादा पवार दहा मिनिटे अगोदर उपस्थित राहिले. त्यावरही त्यांनी टोला लगावत ‘जे सुर्यमुखी असतील ते मला शिव्या देत असतील’, असं म्हटलं. तर मला सकाळी सकाळी कार्यक्रम घ्यायला आवडतो, असंही दादांनी यावेळी आवर्जून सांगितलं.
यावेळी वनराज्यमंत्री दत्तामामा भरणे, शहरअध्यक्ष प्रशांतदादा जगताप, नगरसेविका दीपालीताई धुमाळ, नगरसेवक सचिनभाऊ दोडके, नगरसेवक दिलीपभाऊ बराटे, नगरसेविका सायलीताई वांजळे – शिंदे, खडकवासला अध्यक्ष काकासाहेब चव्हाण, त्रिंबकआण्णा मोकाशी, भावनाताई पाटील, पुनमताई मते, युवक शहरअध्यक्ष महेशदादा हांडे,राष्ट्रवादी काँग्रेस पक्ष्याचे पदाधिकारी व कार्यकर्ते उपस्थित होते.
