बोपगाव येथे सिताफळ बहार व्यवस्थापन कार्यक्रम
संपन्नपुरंदरतालुक्याच्या पश्चिम भागातील बोपगाव येथे सिताफळ बहार व्यवस्थापन कार्यक्रम संपन्न झाला या विषयाचे मार्गदर्शन व प्रत्यक्ष प्लॉटवर सीताफळ छाटणी प्रात्यक्षिक सुरज जाधव तालुका कृषी अधिकारी पुरंदर, सुनील नाळे ,शास्त्रज्ञ अखिल भारतीय समन्वित कोरडवाहू पिके अंजीर व सीताफळ संशोधन प्रकल्प जाधववाडी, रवींद्र खेसे मंडळ कृषी अधिकारी सासवड जी के जगताप कृषी पर्यवेक्षक सासवड २ व व्ही सी जाधव कृषी सहायक बोपगाव यांनी केले.यावेळी सरपंच ज्योती फडतरे , संदीप फडतरे , कुंडलिक फडतरे , राहूल फडतरे , नंदकूमार फडतरे , भाउसाहेब फडतरे , योगेश फडतरे , शंकर फडतरे , निवृत्ती किसन फडतरे आदि नागरिक उपस्थित होते
गावातील रब्बी हंगामातील अन्न व पोषण सुरक्षा अभियान अंतर्गत अन्नधान्य व कडधान्य ज्वारी व हरभरा पिकांची काढनी अवस्थेतील पाहणी तसेच मसूर बियाणे वाटप केलेल्या प्रात्यक्षिक प्लॉटची पाहणी करण्यात आली. संरक्षित शेती अंतर्गत मल्चिंग वर कलिंगड प्रात्यक्षिक प्लॉटला भेट देऊन मार्गदर्शन करण्यात आले. मनरेगा अंतर्गत सन२०२४-२५ मधील चालू वर्षाची राहुल विनायक फडतरे बांधावरील आंबा लागवडीची पाहणी करण्यात आली.
कृषी विभागामार्फत अनेक शेतकर्‍यांना प्रत्यक्ष शेतात जावून मार्गदर्शन करण्यात आले.कृषी विभागामार्फत राबविण्यात येणार्‍या उपक्रमात गावातील जास्तीतजास्त शेतकर्‍यांनी सहभागी होण्याचे आवाहन कृषी सहाय्यक व्ही.एस जाधव यांनी केले आहे.
