भाजप नेते ब्रह्मानंद पडळकर यांची सोशल मीडियावर वाळू साठ्याची पोस्ट, अन् महसूल विभागाची कार्यवाही….
महसूल ची कारवाही म्हणजे मी मारतो.. तु रड… आटपाडी प्रतिनिधी बोंबेवाडी ता.आटपाडी गावच्या हद्दीत वाळूसाठा असल्याबाबत माजी समाज कल्याण सभापती ब्रह्मानंद पडळकर यांनी सोशल मीडिया वर फोटो व्हिडिओ व्हायरल केल्यानंतर महसूल विभागाला जाग आली व महसूल विभागाने बोंबेवाडी येथील वाळू साठ्यावर धाड टाकली.
या महसूल विभागाच्या धाडीमध्ये 70 ते 90 ब्रास वाळू जप्त केली. असल्याचे समजते .तहसीलदार सागर ढवळे यांच्या पथकाने ही कारवाई केली असून या कारवाईमुळे देशमुखवाडी, बोंबेवाडी, आंबेवाडी, जाधवमळा परिसरातील होत असलेला वाळु उपसा चर्चेत आला.माजी समाज कल्याण सभापती ब्रह्मानंद पडळकर यांनी वाळू साठयाचे सोशल मीडिया वर फोटो ,व्हिडिओ व्हायरल केल्यानंतर महसूल विभागाला जाग आली.
त्यानंतर महसूल विभागाने वाळू साठ्यावर कारवाई केली. महसूल विभागाची कारवाई म्हणजे मी मारल्यागत करतो तू रडल्यागत कर… अशीच अवस्था महसूल विभागाची आहे.तालुक्यात चर्चा झाली म्हणून कारवाई करायची म्हणून केली असल्याची चर्चा तालुक्यामध्ये सुरू आहे.
