मायणीच्या धनगर विठोबा यात्रेचा आज मुख्य दिवस
ग्रामविकास मंत्री जयकुमार गोरे देवस्थानला भेट देणार
मायणी – प्रतिनिधी
असंख्य भक्तांचे श्रध्दास्थान असणारे मायणी येथील श्री धनगर विठोबा यात्रेचा आज मुख्य दिवस शनिवार दि. ५ रोजी असून या दिवशी होणार आहे पहाटे पाच वाजता श्री देवाची भाकणूक, सकाळी ९ ते सायंकाळी ६वा जेपर्यंत गजी नृत्याचा कार्यक्रम व सर्वांना महाप्रसादाचा कार्यक्रम सायंकाळी ६ वाजता श्री देवाची मुख्य भाकणूक तसेच मुंबईकर सेवा निवृत्त कर्मचाऱ्यांचा सन्मान सोहळा संपन्न होणार आहे.
या सोहळ्यास महाराष्ट्राचे ग्रामविकास व पंचायत राज मंत्री जयकुमार गोरे हेही या यात्रेच्या निमित्ताने श्री धनगर विठोबा देवस्थानचे दर्शन घेण्यासाठी उपस्थित राहणार असल्याची माहिती माजी आमदार डॉ. दिलीपराव येळगावकर यांनी दिली .
येथील श्री धनगर विठोबा देवाच्या यात्रेस उत्साहात प्रारंभ झाला असून या निमित्ताने गत ३० मार्च ते ७ एप्रिल अखेर विविध धार्मिक व सांस्कृतिक कार्यक्रमांचे आयोजन करण्यात आले. रविवार दि. ३० रोजी गुढीपाडव्याच्या मुहुर्तावर श्रीदेवाची पालखी व सासन काट्यांचे ढोल ताशांच्या गजरात व फटाक्यांच्या आतषबाजीत मंदिरात आगमन झाले आहे.गुरुवार दि ३ रोजी सायंकाळी ७ वाजता श्री देवाचा धाकटा
छबिना व मायणीच्या गजी नृत्याचा कार्यक्रम शुक्रवार
दि. ४ रोजी श्री देवाचा थोरला छबिना व मंदिरामध्ये मायणी
परिसरातील गावोगावीच्या गजी नृत्यांचा कार्यक्रम संपन्न झाला आहे.
रविवार दि. ६ रोजी बैलगाड्यांच्या भव्य शर्यती सकाळी नऊ वाजल्यापासून सुरू होणार असून यानिमित्ताने आकर्षक बक्षिसे ठेवण्यात
आली आहेत.
सोमवार दि. ७ रोजी दुपारी ३ वाजता राज बहुउद्देशीय सामाजिक विकास संस्था आयोजित होम मिनिस्टर खेळ पैठणीचा कार्यक्रम होणार असून मंगळवार दि. ८ रोजी दुपारी ३ वाजता निकाली कुस्त्यांचे जंगी मैदान आयोजित करण्यात आले आहे. तरी या सर्व धार्मिक सांस्कृतिक कार्यक्रमांचा भाविकांनी लाभ घ्यावा, असे आवाहन श्री धनगर विठोबा देवस्थान ट्रस्ट व गजी मंडळ मायणी यांच्यावतीने करण्यात आले आहे.
