व्हॉटस अॅपवर अज्ञात नंबरवरुन फोटो किंवा व्हिडीओ येत असेल तर डाउनलोड करु नका अॅड. चैतन्य भंडारी
जगदीश का. काशिकर,
मुक्त पत्रकार व गुंतवणुक/रोजगार – नोकरी/कामगार समस्या/कायदे सल्लागार, मुंबई, महाराष्ट्र. व्हाटसअप – ९७६८४२५७५७
धुळे – हल्ली सायबर गुन्हयाचे प्रमाण देशभरात वाढलेले आहे आणि सायबर गुन्हेगार दिवसेंदिवस लोकांना गंडा घालण्यासाठी विविध नविन युक्त्या वापरत आहेत. हल्ली सायबर गुन्हेगारांनी व्हॉटस अॅपच्या माध्यमातून नागरीकांना फसवण्याची सुरुवात केलेली आहे.
जसे की, एखादया व्यक्तीला व्हॉटस अॅपवर एका अज्ञात नंबरवरुन फोटो किंवा व्हिडीओ पाठवण्यात येते आणि जर त्या व्यक्तीने तो फोटो त्यांच्या मोबाईलमध्ये डाउनलोड केला तर त्यांचे बँक खाते रिकामे होवू शकते. याचे कारण असे की, ज्या व्यक्तीने त्याच्या मोबाईलमध्ये अज्ञात व्यक्तींकडून आलेले फोटो डाउनलोड केले होते ते फोटो एका मॉलवेअर किंवा वायरस होते त्या वायरसव्दारे तुमचा मोबाईलची खाजगी माहिती सदरील सायबर गुन्हेगाराकडे सहजपणे पोहोचते.
म्हणून नागरीकांना अॅड. भंडारी यांनी आवाहन केले आहे की, जर आपल्याला अज्ञात नंबरवरुन फोटो किंवा व्हिडीओ आले असेल तर ते डाउनलोड करु नका. व्हॉटस अॅपमध्ये ऑटो डाउनलोडचे ऑप्शन कायमस्वरुपी बंद ठेवा, सर्व प्रथम खात्री करा की सदरील अज्ञात नंबर हे कोणाचे आहे आणि जर आपल्यासोबत काही सायबर फ्रॉड झाले असतील तर आपण १९३० किंवा १९४५ या टोल फ्री नंबर आपली तक्रार करावी.
