माण तालुक्यातील आठ गावांमध्ये जमावबंदी आदेश जारी
दहिवडी
उजनी कालवा उपविभाग क्र. २४ चे सहायक अभियंता यांचे विनंतीनुसार मा. दहिवडी उपविभागीय अधिकारी उज्वला गाडेकर यांचेकडून माण तालुक्यातील आठ गावांमध्ये जमावबंदी आदेश लागू करण्यात आले असल्याचे कार्यालयाकडून सांगण्यात आले.
याबाबत अधिक माहिती अशी की, तारळी प्रकल्पाअंतर्गत माण वाढीव कालवा व अंत्यवितरीका कालव्यामध्ये १ ते २८ अंतर्गत माण तालुक्यातील गावांना पाणी आवर्तन सोडले आहे. परंतु मौजे वळई, जांभुळणी, पुळकोटी, गंगोती, पाणवन, देवापुर, पळसावडे, शिरताव हद्दीमध्ये कालव्यावरील दारे उघडून पाणी पळविण्याच्या घटना घडत आहेत. त्यामुळे आवर्तन कालावधीमध्ये पाणी नियोजित ठिकाणी पोचविण्यासाठी अडचणी निर्माण होत आहेत.
या बाबी लक्षात घेता वर नमूद गावांच्या हद्दीमध्ये कालव्याचे नुकसान होऊ नये, कोणताही अनुचित प्रकार घडू नये म्हणून सहायक अभियंता (वर्ग १) उजनी कळवा क्र. १ यांचे विनंतीनुसार माण खटाव प्रांताधिकारी उज्वला गाडेकर यांनी वरील हद्दीमध्ये आवर्तन कालावधी संपेपर्यंत भारतीय नागरिक सुरक्षा संहिता २०१३ कलम १६३ (२) नुसार जमावबंदी आदेश लागू केले आहेत, सदर आदेशाचे उल्लंघन करणारास भारतीय न्याय संहितेनुसार दोषी ठरवून ती व्यक्ती शिक्षेस पात्र होईल. या आदेशान्वये शासकीय कर्मचारी व शासकीय वाहने तथा शासनाने ठरवून दिलेली व्यक्ती वगळता बाकी सर्वांसाठी लागू राहणार असून कालवा हद्दीमधील गोंदवले खुर्द, मनकर्णवाडी, पळशी गावांमधील धार्मिक कार्ये, लग्नकार्ये, अंत्यसंस्कार यांना लागू राहणार नाहीत
सदरचे आदेश तहसीलदार कार्यालय माण, दहिवडी पोलीस स्टेशन व म्हसवड पोलीस स्टेशन यांचेकडे पुढील कारवाईसाठी पाठविले आहेत
