प्रा. एन.पी.खरजे यांची प्रदीर्घ काळानंतर आ.पडळकर गटात घरवापासी..
राजकारणात कधी काही होईल हे अद्याप कोणाला सांगता येत नाही. याचाच एक अनुभव म्हणजे प्रा.एन.पी.खरजे यांनी राष्ट्रवादी (शरद पवार गट) यांच्या गटाला राम राम ठोकून वाढदिवसाचे औचित्य साधून आम्. पडळकर यांच्या गटात प्रवेश केला आहे.
2007 मध्ये रासपाच्या माध्यमातून आ. पडळकर व त्यांचे बंधू ब्रम्हानंद पडळकर यांची आटपाडी तालुक्यांमध्ये इंट्री झाली व त्याच वेळेला प्रा .एन.पी. खरजे त्यांच्या सोबत काम करीत होते. संघटन कौशल्य व एक चांगला वक्ता म्हणून एन.पी.खर्जे यांच्याकडे पाहिले जात होते.सामाजिक, राजकीय व शैक्षणिक क्षेत्रात सर्वसामान्य कुटुंबातील प्रामाणिक युवा नेतृत्व म्हणून त्यांच्याकडे पाहिले जात होते.
पण मध्यंतरीच्या कालावधीमध्ये त्यांनी राष्ट्रवादीचे प्रदेशाध्यक्ष माजी मंत्री जयंतराव पाटील यांच्या नेतृत्वाखाली राष्ट्रवादीमध्ये प्रवेश केला.तर माजी आमदार सदाशिवराव पाटील व त्यांचे चिरंजीव वैभव पाटील यांच्या नेतृत्वाखाली राष्ट्रवादी पक्षाचे युवकांचे संघटन बांधण्याचे काम त्यांनी केले होते. त्यांच्याकडे राष्ट्रवादी युवक कॉंग्रेसच्या प्रदेश सचिव व नवी मुंबई निरीक्षक या पदावर काम करीत होते.
धनगरी गजनृत्यची कला जोपासताना वडील कै.पांडुरंग खरजे यांचेकडून आलेला वारसा जपताना गाजनृत्य कला कौशल्य प्रा नारायण खरजे यांनी अत्यंत चांगल्या प्रतीचे जोपासले आहे.प्रा नारायण खरजे हे मुंबई विद्यापीठ प्राध्यापक म्हणून नोकरी करत असून अभियांत्रिकी विभागात पी एच डी करीत आहेत. तर २००८ पासून सध्याचे आमदार व नातेवाईक गोपीचंद पडळकर यांचेपासून राजकारण आणि समाजकारण मध्ये काम करायला सुरवात केलेले प्रा नारायण खरजे कायमच समाजाची जान ठेऊन सर्वांचा अगदी मान सन्मान ठेऊन काम करीत होते.
तर पुन्हा त्यांनी आमदार पडळकर यांच्या गटामध्ये वाढदिवसाचे औचित्य साधून घरवापसी केली असल्याने .राजकारणातील समीकरणे बदलणार हे निश्चित मानले जात आहे अशी नागरिकांतून चर्चा आहे.फोटो.. प्रा. नारायण खर्जे यांनी वाढदिवसाचे औचित्य साधून आमदार पडळकर घटक प्रवेश केला यावेळी मान्यवर उपस्थित
