येळावीत रक्तदान शिबिरास प्रतिसाद
शुभम पाटील यांच्या वाढदिवसानिमित्ताने तब्बल 87 बॉटल रक्त संकलन
येळावी: येथील सामाजिक कार्यकर्ते तथा जिल्ह्यातील गरजू रुग्णांना मोफत रक्तपुरवठा करणारे शुभम पाटील यांच्या वाढदिवसानिमित्त रक्तदान शिबिराचे आयोजन करण्यात आले होते. सदर शिबिरास युवकांचा उत्फूर्त प्रतिसाद मिळत तब्बल ८७ बॉटल रक्तसंकलन झाले.रक्तसंकलन आदर्श ब्लड बँक सांगली यांनी केले.शुभम पाटील हे दरवेळी अशा रक्तदान शिबिर चे आयोजन करत असतात आणि त्यातून ते गरजू लोकांना मोफत रक्तपुरवठा करून देऊन सहकार्य करत असतात.
आता पर्यंत त्यांनी ४०० पेक्षा जास्त गरजू लोकांना मोफत रक्त पुरवठा केला असून १० पेक्षा जास्त रक्तदान शिबिर चे आयोजन केले आहे.स्वतः ३० पेक्षा जास्त वेळा रक्तदान करून सामाजिक कर्तव्य पूर्ण केले आहे. हॉस्पिटलमधून ब्लड साठी फोन येताच ते आपले काम बाजूला ठेऊन रक्त देण्याची व्यवस्था करत असतात.
वेळेवर मोफत रक्तपुरवठा केल्याने रुग्णांच्या नातेवाईकांडून त्याचे आभार मानले जातात.*’नर सेवा हीच नारायण सेवा’*संत निरंकारी मिशनच्या प्रमुख सदगुरू माता सुदिक्षाजी महाराज यांच्या शिकवणीप्रमाणे ‘नर सेवा हीच नारायण सेवा’ ही विचारधारा समोर ठेऊन ते सामाजिक आणि आध्यात्मिक क्षेत्रात मोलाचे योगदान देत आहेत. समाजपयोगी उपक्रमामुळे त्यांचे व त्यांच्या सहकारी मित्र परिवाराचे कौतुक केले जात आहे.
