मायणी येथील यलमर- पाटील मळा आता “शिवशक्तिनगर”
मायणी दि.२४:- वार्ताहर,
येथील मायणी – निमसोड रोड लगत असणाऱ्या यलमर-पाटील मळ्याचे नामांतर करण्यात आले असून आता मायणी गावच्या या परिसराला ” शिवशक्ती नगर” म्हणून ओळखले जाणार आहे.
स्वातंत्र्य दिनाचे औचित्य साधून पार पडलेल्या या कार्यक्रमाच्या निमित्ताने संबंधित परिसरात मुख्य रोड लगत भगवा ध्वज फडकवण्यात आला. तसेच नामकरण फलकाचे अनावरण याठिकाणी वास्तव्य करणाऱ्या ज्येष्ठ विनायक पाटील, बाळासो पाटील यांच्या हस्ते करण्यात आले. यावेळी प्रकाश पाटील ,आनंदा पाटील , उत्तम पाटील ,वासुदेव पाटील, सचिन पाटील, संकेत पाटील ,संतोष पाटील,नानासाहेब पाटील ,राजू पाटील, आयुष दीक्षित, अनिल पाटील, वैभव पाटील आदींची उपस्थिती होती.
बाल व युवकांच्या मनावर छ. शिवरायाच्या विचाराचे संस्कार व्हावेत या विचाराने हे नामकरण व भगवा उभारण्यात आला असल्याचे उपस्थितांनी सांगितले. सदर ठिकाणी लोकांसाठी बैठकव्यवस्थाही करण्यात आली आहे. या उपक्रमाचे सर्व क्षेत्रातील मान्यवरांनी कौतुक केले आहे.
