मक्याच्या नुकसानग्रस्त भागाची ब्रह्मानंद पडळकर यांच्याकडून पाहणी ..शासनाकडून मदत मिळवून देऊ …पडळकर
विभूतवाडी ता आटपाडी येथील परिसरातील असंख्य शेतकऱ्यांचे रानडुकरांनी मका पिकाचे मोठ्या प्रमाणात नुकसान केले आहे याबाबत दैनिक केसरीने बातमी प्रसिद्ध केली होती त्याची दखल घेऊन वन विभागाने पंचनामे सुरू केले आहेत तर माजी समाज कल्याण सभापती ब्रह्मानंद पडळकर यांनी मका पिकाची पाहणी केली व नुकसान भरपाई मिळवून देण्यासाठी प्रयत्न करणार असल्याचे सांगितले.
तसेच कृषी विभाग व वन विभागाच्या अधिकाऱ्यांनी तातडीने येऊन पंचनामे करून शासनाकडे प्रस्ताव सादर केले आहेत अन्य शेतकऱ्यांचे नुकसान झाले आहे त्यांचे प्रस्ताव सादर करण्याचे काम सुरू आहे.दररोजच नुकसानग्रस्त शेतकऱ्यांची संख्या वाढत चालली आहे
या रानडुकरांचा बंदोबस्त कसा करायचा हा शेतकऱ्यापुढे प्रश्न पडला आहे. एक तर हमखास उत्पादन मिळणार व शेतकऱ्यांच्या पदरामध्ये दोन रुपये मिळणारे मका पीक आहे परंतु रानडुकराच्या त्रासामुळे मका पीक हाती लागते की नाही ही शंका आहे.
मजी समाज कल्याण सभापती ब्रह्मानंद पडळकर यांनी प्रत्यक्ष शेतकऱ्याच्या शेतात जाऊन पाहणी केली व ज्या शेतकऱ्यांचे नुकसान झाले आहे त्यांनी त्वरित प्रस्ताव द्यावेत यांचे प्रस्ताव सादर होतील त्या सर्व शेतकऱ्यांना शासनाकडून मदत देण्यासाठी मी प्रयत्न करणार असल्याचे त्यांनी या वेळेला सांगितले.
