निंबवडे जिल्हा परिषद गटातून इच्छुकांचा शोशल मीडियावर प्रचार पडळकर व मोटे यांच्यात लढत होण्याची शक्यता
आटपाडी तालुक्यांमध्ये जिल्हा परिषद पंचायत समितीच्या निवडणुका जाहीर झाल्या असून जी.प.प. सं चे आरक्षणही जाहीर झाले आहे. आरक्षण जाहीर झाल्यापासून सोशल मीडिया वर फिक्स उमेदवार म्हणून अनेकांचे फोटो झळकू लागले आहेत.
त्यापैकी निंबवडे जिल्हा परिषद गटातून आमदार गोपीचंद पडळकर यांचे बंधू माजी समाज कल्याण सभापती ब्रह्मानंद पडळकर यांच्या सौभाग्यवती माधवी पडळकर यांची चर्चा सुरू आहे .
तर त्यांच्या विरोधात सामाजिक कार्यकर्त्या विद्या सचिन मोटे यांच्या नावाची सोशल मीडिया वर चर्चा सुरू आहे.
निंबवडे जिल्हा परिषद गट हा सर्वसाधारण महिला आरक्षित झाल्याने अनेक महिला इच्छुकांची नावे चर्चेत येऊ लागली आहेत. तर आरक्षण जाहीर झाल्यापासून नक्की उमेदवार कोण याची जोरदार चर्चा निंबवडे गटामध्ये सुरू आहे.निंबवडे जिल्हा परिषद गटामध्ये निंबवडे व घरनिकी असे दोन पंचायत समितीचे गण आहेत .
यामध्ये निंबवडे प स गणामध्ये सर्वसाधारण आरक्षण आहे तर घरणीकी प स गणा मधून सर्वसाधारण महिला आरक्षण आहे.आरक्षण जाहीर होण्या अगोदर पासूनच शोषल मीडियावर पडळकर व मोटे यांचा प्रचार सुरू आहे.त्यामुळे हे दोन्ही उमेदवार फिक्स होण्याची शक्यता असल्याने सोशल मीडियावर पिक्स उमेदवार विजय आमचाच असे फोटो व्हायरल होत आहेत.पडळकर ह्या भाजप मधून निवडणूक लढवतील तर विद्या मोटे ह्या कोणत्या पक्षातून निवडणूक लढविणार की अन्य पक्षाची आघाडी होऊन निवडणूक लढविणार हे अद्याप गुलदस्त्यात आहे.
अलीकडच्या काळात विद्या मोटे यांचे भाजप वगळता सर्व पक्षाशी चांगले संबंध आहेत. तर मग पडळकर विरुध्द सर्व पक्ष एकत्र येणार की विद्या मोटे ह्या स्वबळावर निवडणूक लढणार हे थोड्याच दिवसात स्पष्ट होईल तर माधवी पडळकर यांचे पती ब्रम्हानंद पडळकर हे 2007 पासून राजकारणामध्ये आहेत .आत्तापर्यंत त्यांनी अनेक पदे भूषवली आहेत. तसेच जिल्हा परिषद सदस्य, समाज कल्याण सभापती या पदावर असताना तळागाळामध्ये जाऊन त्यांनी लोकांच्या अडीअडचणी सोडवल्या आहेत .तर त्यांचे बंधू गोपीचंद पडळकर हे विधान परिषदेवर आमदार म्हणून होते, तर आत्ता जत विधानसभेला आमदार म्हणून काम करीत आहेत.तर माधवी पडळकर यांच्या विरोधात विद्या मोटे यांनी रिंगणात उतरण्याची जय्यत तयारी केली आहे
.त्यांना भाजप सोडून सर्व पक्षाचा पाठिंबा मिळण्याची शक्यता आहे.अशी चर्चा मतदार संघात सुरू आहे.त्यामुळे या जिल्हा परिषद गटाकडे जिल्ह्याचे लक्ष लागून राहिले आहे.तर आमदार गोपीचंद पडळकर व ब्रह्मानंद पडळकर यांनी अनेक विकास कामातून जनतेशी थेट संबंध ठेवले आहेत. त्याचा फायदा माधवी पडळकर यांना होण्याची शक्यता असल्याची चर्चा मतदारसंघातून होत आहे.
