महिला प्रवाशाचे दागिणे चोरण्याचा प्रयत्न चाळीसगाव आगाराच्या महिला वाहकाच्या सतर्कतेने टळला
प्रतिनिधी..प्रवीण अहिरे
वाघडू ता.चाळीसगाव दिवाळीमुळे बसेना गर्दी होत आहे. या गर्दीचा फायदा घेऊन जळगाव बस स्थानकात बसमध्ये चढतांना एका महिला प्रवाशाच्या गळ्यातील दागिणे चोरण्याचा प्रयत्न चाळीसगाव आगाराच्या महिला वाहकाच्या सतर्कतेमुळे टळला. महिला वाहकाने आरडाओरड करताच बस चालकाने या चोरांना पकडण्याचा प्रयत्न केला पण महिला चोर व तीने दोन साथीदार पळून जाण्यास यशस्वी ठरले. महिला वाहकाच्या प्रसंगावधनामुळे प्रवासी महिलेचे दागिणे सुरक्षित राहील्याने वाहकाचे कौतुक होत आहे.
चाळीसगाव आगाराची एमएच.13 सीयू.7962 ही चाळीसगाव ते जळगाव बस जळगाव स्थानकावर उभी असतांना बसमध्ये प्रवासी चढतांना गर्दीचा फायदा घेऊन मनिषा जाखोटे या महिला प्रवाशाच्या गळ्यातील सोन्याची पोत चोरण्याचा प्रयत्न एका महिलेने केला, मात्र बसच्या वाहक पूूनम सुर्यवंशी यांच्या हा प्रकार लक्षात येताच त्यांनी आरडाओरड केली. त्यामुळे जाखोटे या प्रवासी महिला सावध झाल्या. त्यामुळे अंदाजे 3 ते 4 लाख रूपये किंमतीची सोन्याची पेात वाचली. त्यावेळी बसचे चालक संंदीप पाटील यांनी चोरीचा प्रयत्न करणार्‍या चोरट्यांना पकडण्याचा प्रयत्न केला मात्र चोरीचा प्रयत्न करणारी महिला आपल्या साथीदारांसह पळून गेली.
महिला वाहकाच्या प्रसंगावधानामुळेच महिला प्रवाशाचे दागिेने सुरक्षित राहीले. याबाबत वाहक पूनम सुर्यवंशी यांचे कौतुक होत आहे. सुर्यवंशी तसेच बस चालक संदीप पाटील (रा. रोकडे) यांचे प्रवाशी तसेच भारतीय ग्राहक पंचायत जळगाव आयटीसी सेल प्रमुख शरद गिते, मनिषा जाखोटे, मयूर महाजन, जिल्हाध्यक्ष डॉ. अनिल देशमुख, यांनी पुष्पगुच्छ देवून त्यांचे कौतुक केले.
