कापूस भिजला , शेतकऱ्यांना आर्थिक फटका
त-हाडी
जिल्हात अनेक ठिकाणी पून्हा एकदा अवकाळी पाऊस झाला आहे. त्यामळे शेतातील उभ्या पिकाचे मोठ्या प्रमाणात नुकसान झाले असल्याचे सांगण्यात येत आहे. आतिवृष्टी आणि आता अवकाळी पावसामुळे शेतकरी पार हतबल झाला आहे. त-हाडीसह परिसरात सायंकाळच्या सुमारास मध्यम ते जोरदार स्वरूपाचा पाऊस झाला त्यामुळे वेचणीला आलेला कापूस भीजला आहे. त्यामुळे शेतकऱ्यांना आर्थिक फटका बसला आहे.
दिवाळीच्या सुरूवातीला कापसाची पहिली वेचणी होऊन दिवाळी आनंदात जाईल, या आशेवर शेतकरी होते. परंतू आतिवृष्टीने कापूस उत्पादक शेतकऱ्यांच्या आशेवरच पाणी सोडले. परिसरात झालेल्या पावसाने मका सोयाबीन, मुग, ज्वारी या पिकासोबतच कपाशीचेही मोठ्या प्रमाणावर नुकसान केले आहे. कापसाची पहिली वेचणी होण्या आधिच कपाशी पिकाला पावसाने झोडपले. कापसाची बोंडे सडली. यंदा कापूस फुटण्यापासून सततच्या अवकाळी पावसामुळे ओला झालेला कापूस उन्हात वाळवून विकण्याची वेळ शेतकऱ्यांवर आली आहे. पावसाच्या उघडीपीनंतर कापूस वेचणीची मजूरी वाढवून शेतकऱ्यांनी कापासाची वेचणी सुरू केली. वेचून आणलेला कापूस घरासमोर वाळत घालण्यासाठी शेतकरी धडपड करत आहेत. अनेकांच्या घरासमोर कापूस वाळत घातलेला दिसून येत आहे. ओल्या कापसाचा दर्जा खालावल्याने त्याला योग्य तो भाव मिळेल की नाही, याची शाश्वती राहिली नाही. त्यामुळे पहिल्याच वेचणीत कापूस उत्पादक शेतकऱ्यांना मोठा फटका बसला आहे.
कापूस वेचणीला पण मजूर काय मिळेना……
कापूस उत्पादक शेतकरी दुहेरी संकटात अडकल्याचे चित्र आहे. एकीकडे मजूर मिळत नाहीत, ज्या गावात मजूर आहेत त्या गावात इतर गावांतील शेतकरी जाऊन कापूस वेचणीसाठी जास्तीचा भाव देऊन त्या गावातील मजूर सकाळीच मालवाहतूक टॅम्पोद्वारे घेऊन जातात. दुसरीकडे कापसाला बाजारात योग्य दर मिळत नाही. मजुरांना एका किलोसाठी १० रूपये वेचणीला द्यावे लागत आहे. त्यामुळे शेतकऱ्यांना कापसाच्या उत्पादन खर्चाच्या तुलनेत खूपच कमी पैसे शिल्लक राहत आहेत.
मजुरांअभावी कापूस वेचता आला नाही….
शेतात कापूस फुटला असूनही मजुरांअभावी वेचणी करून घरी आणता आला नाही. सोमवारी सकाळी अचानक पाऊस आला. त्यामुळे वेचणीला आलेला कापूस भिजला. तसेच अनेक शेतातील तुरीचाही फुलोरा गळाला आहे.
- विशाल कंरके, शेतकरीत-हाडी – परतीच्या पावसाने मक्याच्या शेतात साचलेले पाणी २. सतत दोन दिवसांपासुन पाऊस सुरू आसल्याने कापसाच्या वाती झाल्या आहेत
