दादासाहेब फाळके बेस्ट प्रेस रिपोर्टर पुरस्काराने पत्रकार सदाशिव पुकळे सन्मानित.
गोरे, पडळकर ,मोटे यांच्या हस्ते सन्मान
दैनिक ‘केसरी’चे आटपाडी तालुका प्रतिनिधी सदाशिव पुकळे यांना ‘दादासाहेब फाळके बेस्ट प्रेस रिपोर्टर पुरस्कारा’ने सन्मानित करण्यात आले. पुकळे यांनी विविध विषयांवर वृत्तसंकलन केले आहे. या कामाची दखल घेऊन त्यांना पुरस्काराने सन्मानित करण्यात आले.त्यांनी सन २०१४ पासून सुरुवात पत्रकारितेमध्ये केली. ग्रामीण भागातील अडीअडचणी, शेतकऱ्यांच्याव्यथा अशा विविध विषया वर त्यांनी उल्लेखनीय वृत्तसंकलन केले आहे.
तसेच यापूर्वी अनेक वेगवेगळ्या संस्थांनी त्यांना पुरस्कार दिले आहेत. या कामाची दखल घेऊन दादासाहेब फाळके इंटरनॅशनल सिने अवॉर्डच्या वतीने बेस्ट प्रेस रिपोर्टर हा पुरस्कार देऊन त्यांच्या सन्मान करण्यात आला.पुरस्कार मिळाल्यानंतर माजी समाज कल्याण सभापती ब्रह्मानंद पडळकर, जयवंत सरगर, चंद्रकांत पावणे, संदीप पावणे, मोहन खरजे, नाना मोटे, विवेक पावणे, अण्णा मोटे, सुखदेव पाटील, सुखदेव खताळ तसेच ग्रामविकास मंत्री जयकुमार गोरे यांच्या पत्नी सोनिया गोरे व साध्य फाऊंडेशनच्या अध्यक्षा विद्याताई मोटे यांच्याहस्ते त्यांचा सन्मान करण्यात आला. यावेळी हनुमंत मोटे, बाळासो मोटे, लोकनियुक्त सरपंच सूरज पाटील, गणेश पाटील व मान्यवर उपस्थित होते.
