विखरण व कळमसरे येथे सीसीआयमार्फत कापूस खरेदीविखरण येथे कुरेशी कॉटन जिनिंगचे उद्घाटन
त-हाडी : शिरपूर तालुक्यातील विखरण व कळमसरे येथील दोन जिनिंगवर केंद्र सरकारच्या सीसीआयमार्फत कापूस खरेदी करण्यात येणार असल्याची माहिती शिरपूर बाजार समितीचे सभापती कांतीलाल पाटील यांनी दिली.तालुक्यात शेतकरी दरवर्षी मोठ्या प्रमाणावर कपाशीचे उत्पादन घेतात.
यंदा अतिवृष्टीमुळे खरीप पिकांचे मोठे नुकसान झाले. अशात शासनाने कापूस खरेदी केंद्र सुरू न केल्यामुळे अनेक शेतकऱ्यांना नाईलाजास्तव खासगी व्यापाऱ्यांना कापूस विकावा लागत होता. आतापर्यंत जवळपास ५० टक्के कापूस खासगी व्यापाऱ्यांना शेतकऱ्यांनी विकला आहे.या पार्श्वभूमीवर सभापती कांतीलाल पाटील म्हणाले,५०% शेतकऱ्यांनी आतापर्यंत खासगी विकला आहे. व्यापाऱ्यांना कापूस’शासनाच्या हमीभाव योजनेत पारदर्शकता असून ही योजना शेतकरी हिताची आहे.
शेतकऱ्यांनी कपास किसान अॅपवर नोंदणी करताना आवश्यक कागदपत्रे सातबारा, पीक पेरा, आधार व लाइव्ह फोटो योग्य प्रकारे अपलोड करावेत. त्रुटी आढळल्यास त्या सुधारून नोंदणी पूर्ण केल्यासच मंजुरी मिळते. कपास किसान अॅपवर आतापर्यंत १ हजार २५० अधिक शेतकऱ्यांनी नोंदणी केली असून, त्यापैकी ३७५ शेतकऱ्यांना सीसीआयकडून मंजुरी मिळाली आहे.
संबधित समितीकडून उर्वरित अर्ज दुरुस्तीच्या प्रक्रियेत आहेत. तालुक्यात कुरेशी कॉटन जीन्स विखरण व शुभम जिनिंग कळमसरे येथील दोन जिनिंगवर येथे केंद्रावर सीसीआयकडून लवकरच कापूस खरेदी करण्यात येणार असल्याचे कांतीलाल पाटील म्हणाले.
