शिरपूर–शाहादा मार्गावरील अदृश्य गतिरोधक धोकादायक; तातडीने पांढरे पट्टे व ब्लिंकर लावा — विशाल कंरके यांची मागणी
त-हाडी – प्रतिनिधी
शिरपूर तालुक्यातील ,वघाडी , विखरण , वरुळ मार्गे शाहादा या महामार्ग वर विविध गावांमध्ये बसविण्यात आलेले गतिरोधक अपघातांना कारणीभूत ठरत असल्याची गंभीर बाब समोर आली आहे. गतिरोधकांवर पांढरे प्रतिबिंबित पट्टे न मारल्याने रात्रीच्या वेळी हे बंप चालकांच्या नजरेस न पडता अनेक अपघातांची मालिका घडत आहे. या धोकादायक परिस्थितीवर तातडीने उपाययोजना करून पांढरे पट्टे व केटाईज ब्लिंकर बसवावेत, अशी मागणी सामाजिक कार्यकर्ते विशाल कंरके, त-हाडी(ता शिरपूर) यांनी सार्वजनिक बांधकाम विभाग, शिरपूर येथील मागणी केली आहे.
महा मार्ग वरील वघाडी विखरण, वरुळ, भटाणे, , शहादा तालुक्यातील. वडाळी, कुकावल, कोठली ,तसेच परिसरातील अनेक गावांजवळ गतिरोधक बसविण्यात आले आहेत. ग्रामीण भागातील रस्त्यांवर वाहनांचा वेग नियंत्रित करण्यासाठी गतिरोधकांची गरज असली तरी त्यावर सुरक्षा चिन्हांकन नसल्याने हेच गतिरोधक जीवघेणे सापळे ठरत आहेत.
स्थानिकांच्या म्हणण्यानुसार, गतिरोधक वेळेवर दिसत नसल्यामुळे अनेक जण जखमी झाले असून काहींनी अपघातानंतर अपंगत्वाला तोंड दिले आहे. काही अपघातांत जीवितहानीही झाल्याची माहिती देण्यात आली. रात्रीच्या वेळी वाहने वेगात धावत असल्यामुळे गतिरोधक न दिसणे ही समस्या अधिक गंभीर बनली आहे.
दुर्घटना रोखण्यासाठी तातडीने गतिरोधकांवर पांढरे प्रतिबिंबित पट्टे मारावेत, तसेच चालकांना दूरवरूनही इशारा मिळावा यासाठी केटाईस ब्लींकर बसविण्याची मागणी करण्यात आली आहे.
आली असून तत्काळ कारवाईची अपेक्षा व्यक्त विशाल कंरके सामाजिक कार्यकर्ते यांच्या कडून करण्यात आली आहे.
