*आटपाडीत नालंदा बुद्ध विहार,मध्ये संविधानाचा जागर !*
*डॉ. बाबासाहेब आंबेडकरांना अभिवादन !*
आटपाडी मध्ये संविधान दिन उत्साहात साजरा आटपाडीत नालंदा बुद्ध विहार येथे संविधान दिन मोठ्या उत्साहात आणि अभिमानाने साजरा करण्यात आला. कार्यक्रमाची सुरुवात भारतीय संविधानाच्या उद्देशिका वाचनाने झाली.
त्यानंतर उपस्थित सर्वांनी त्रिसरण व पंचशील ग्रहण करून लोकशाहीच्या मूल्यांप्रती निष्ठा व्यक्त केली.या प्रसंगी बौद्धाचार्य दादासाहेब कदम, ज्येष्ठ नेते विलास खरात, नगरसेवक पदाच्या उमेदवार रूपाली शैलेश ऐवळे, युवा नेते शैलेश ऐवळे, सनी कदम, राहुल मोटे तसेच मोठ्या संख्येने ग्रामस्थ उपस्थित होते.
कार्यक्रमादरम्यान वक्त्यांनी भारतीय संविधानाची महत्ता, समानता-स्वातंत्र्य-बंधुता या मूलभूत मूल्यांचे महत्त्व आणि डॉ. बाबासाहेब आंबेडकरांच्या कार्याचे स्मरण करून उपस्थित जनतेला संविधानाच्या तत्वांचे पालन करण्याचे आवाहन केले.या वेळी डॉ बाबासाहेब आंबेडकर यांच्या प्रतिमेला पुष्पहार अर्पण करून विनम्र अभिवादन करण्यात आले. यावेळी उपस्थितांनी संविधानाच्या उद्देशिकेचे सामूहिक वाचन केले आणि लोकशाही बळकट करण्यासाठी कटिबद्ध राहण्याची शपथ घेतली.
या वेळी मान्यवर, राजकीय नेते आणि सामाजिक कार्यकर्ते मोठ्या संख्येने उपस्थित होते. महिलांची उपस्थिती मोठ्या प्रमाणात होती संविधानातील समता, बंधुता आणि स्वातंत्र्याचे विचार जनसामान्यांपर्यंत पोहोचवणे हाच संविधान दिनाचा मुख्य उद्देश असल्याचे आयोजकांनी सांगितले.नालंदा बुद्ध विहारात पार पडलेला हा उपक्रम सामाजिक बांधिलकी, लोकशाही आणि शांततेचा संदेश देणारा ठरला.
