शहर झोपेत आहे की जागं ? निवडणूक उत्तर देईल– सुराज साधना सुरेश कुटे (संस्थापक अध्यक्ष “सुराज्य निर्माण प्रतिष्ठान”)भारतातील लोकशाही व्यवस्थेचा कणा म्हणजे स्थानिक स्वराज्य संस्था. यामध्ये महानगरपालिका ही शहरी प्रशासनाची सर्वात महत्त्वाची यंत्रणा आहे. नागरिकांच्या दैनंदिन जीवनाशी थेट संबंधित असलेले निर्णय महानगरपालिकेमार्फत घेतले जातात. अशा पार्श्वभूमीवर येऊ घातलेली महानगरपालिका निवडणूक ही केवळ राजकीय प्रक्रिया नसून, आपल्या शहराच्या भवितव्याचा निर्णय घेणारा महत्त्वाचा टप्पा आहे.महानगरपालिका निवडणूक का महत्त्वाची आहे ?
रस्ते, पाणीपुरवठा, स्वच्छता, कचरा व्यवस्थापन, सार्वजनिक आरोग्य, शिक्षण, महिला व बालकल्याण, ज्येष्ठ नागरिक सुविधा, या सर्व गोष्टी थेट महानगरपालिकेच्या कार्यक्षेत्रात येतात. आपण दररोज ज्या समस्या अनुभवतो, त्यांची उत्तरे या निवडणुकीतून निवडल्या जाणाऱ्या प्रतिनिधींवर अवलंबून असतात.लोकसहभागातूनच खरे परिवर्तनसामाजिक कार्यकर्ता म्हणून विविध वस्ती, झोपडपट्ट्या, कॉलन्या, व्यापारी परिसर व उपनगरांमध्ये काम करताना नागरिकांच्या अपेक्षा स्पष्टपणे जाणवतात – स्वच्छ शहर, सुरक्षित परिसर आणि सर्वसमावेशक विकास.मात्र केवळ अपेक्षा पुरेशा नाहीत. मतदान हाच खऱ्या परिवर्तनाचा पहिला टप्पा आहे.
प्रत्येक मतदाराने मतदान करून आपली भूमिका स्पष्ट करणे अत्यंत आवश्यक आहे.उमेदवार निवडताना काय पाहावे ?मतदान करताना घोषणांपेक्षा कामगिरी व दृष्टिकोन महत्त्वाचा आहे. नागरिकांनी उमेदवारांना खालील प्रश्न विचारले पाहिजेत -• आपल्या प्रभागातील मूलभूत सुविधा कशा सुधारणार ?• नागरिकांच्या समस्या सोडवण्यासाठी कोणती ठोस योजना आहे ?• युवक, महिला व ज्येष्ठ नागरिकांसाठी काय विशेष उपक्रम राबवणार ?• पारदर्शक आणि भ्रष्टाचारमुक्त प्रशासनासाठी काय भूमिका असेल ?युवक आणि महिलांचा सक्रिय सहभाग आवश्यकयुवक आणि महिला हे समाजाचे भविष्य आहेत. त्यांचा सहभाग वाढल्याशिवाय कोणतेही परिवर्तन शाश्वत होऊ शकत नाही. त्यामुळे युवकांनी केवळ मतदार म्हणून नव्हे तर ‘जागरूक नागरिक’ म्हणून पुढे यावे. महिलांनीही स्थानिक नेतृत्वात सक्रिय सहभाग घ्यावा, ही काळाची गरज आहे.पक्षापेक्षा शहर प्रथममहानगरपालिका ही राजकारणासाठी नव्हे, तर नागरिकांच्या सेवा-सुविधांसाठी आहे.
पक्षीय मतभेद बाजूला ठेवून “प्रामाणिक, कार्यक्षम व दूरदृष्टी असलेले नेतृत्व” निवडणे हेच आपल्या शहराच्या हिताचे आहे.नागरिकांची सामूहिक जबाबदारीनिवडणूक झाल्यानंतरही आपली जबाबदारी संपत नाही. नागरिकांनी निवडून दिलेल्या प्रतिनिधींशी संवाद साधणे, प्रश्न विचारणे व सकारात्मक सहकार्य करणे आवश्यक आहे. प्रशासन आणि नागरिक यांचा समन्वय साधला तरच खऱ्या अर्थाने विकास घडेल.आगामी महानगरपालिका निवडणूक ही आपल्या शहराच्या उज्ज्वल भविष्यासाठी एक सुवर्णसंधी आहे.
स्वच्छ, सुरक्षित, सक्षम आणि समावेशक शहर घडवायचे असेल तर “जागरूक मतदान हाच मार्ग आहे.”चला तर मग,राजकारणापेक्षा विकासाला,वचनांपेक्षा कृतीला,आणि उदासीनतेपेक्षा सहभागाला मतदान करूया.आपलं शहर, आपलं मत, आपलं भविष्य..!— सुराज साधना सुरेश कुटेसंस्थापक अध्यक्ष – सुराज्य निर्माण प्रतिष्ठान
